عندما كنتُ في الابتدائيّة

عماد عبد اللطيف سالم
كاتب وباحث
(Imad A.salim)

الحوار المتمدن-العدد: 8326 - 2025 / 4 / 28 - 00:02
المحور: كتابات ساخرة
    

عندما كنتُ في "الابتدائية".. كنتُ "وسيماً" جداً .
لو أدري آني هلكَد جِنِت "وسيم".. جان كَلَبْت الدنيا.. وعشت الدنيا طول وعُرُض.. وخلّيت البنات كُلهِن يحبّوني .
بس استاذ كاظم البياتي، بمدرسة المقاصد بالعطيفيّة.. و خالد ابن خالتي بمدرسة التربية الاسلامية.. مجانَوا يِقبَلون .
جانَوا يكَولون: صحيح إنتَ "كُلّش حلو".. بس صير عاقل احسن.. لأن العقل زينة، وخزينة .
خو ست حليمة، بمدرسة الخيزران بـ "الحصّانة"، راحَت زايِد، وكَالت: إذا بُقيت عاقل وحبّاب ، من تُكبَر.. راح تصير" فَد شي" .
طبعاً آني جِنِت "بريء" و"خام"، و غشيم، وعلى نيتي، وعَبالي صدُك راح أصير" فد شي"، وسمعِتْ كلامهم، وصِرِت عاقل.. وهاي تاليتهه .
طِلَع العَقِل.. لا زينة، ولا خزينة.. ولا فد شي " .
وأصدقائي"العِقّال" كلهُم مُعَقّدين، ولا واحد بيهم حبّاب، وسبورت.. وهوايه منهم صارَوا"مخابيل".. ويحجون ويّه نَفِسهُم " شَيش بَيش" .. وعايفيني وحدي .
حتّى صديقاتي"العاقلات".. ولا وحده بيهن حبّابة وسبورت.. و كلهن صارن تالي الوكت "دَيْنات".. ويريدن يروحن للجنّة.. ويدزّولي من صُبحيّات الله"دعاء القبر"عـلى الواتساب، وهوايه منهن صار بيهن "متلازمة هيلر".. والمُصيبة.. ولا وحدة بيهن حِلوة .
ليش هيج استاذ كاظم.. ليش؟
ليش هيج ست حليمة.. ليش ؟
ليش هيج حجّي خالد ابن خالتي.. ليش؟

#عماد_عبد_اللطيف_سالم (هاشتاغ)       Imad_A.salim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل