أيها السوري يجب ألا تنسى

شكري شيخاني

الحوار المتمدن-العدد: 8225 - 2025 / 1 / 17 - 00:31
المحور: مواضيع وابحاث سياسية
    

بتتذكر لما كانت الجمارك يدخلوا لعندك 50 عنصر وكانك سارق المركزي ويفضوا محلك ويغرموك 700 مليون وبعدها يعملولك محكمة وتقلهم امركم

بتتذكر لما كان فرع الخطيب يضب فيك وماحدا يعرف عنك شي وماتطلع لتحط 200 الف دولار وانت تشعر بقمة الانتماء الوطني

بتتذكر لما كان شرطي المرور يقلك صف عالميين وهات الاوراق ومايمشيك لتحط ال 5000 ليره فترجع عسيارتك وانت عبتغني وترابك الغالي ياسوريا

بتتذكر اخي المستورد يلي عامل حالك مزعوج اليوم أنك كنت تدفع عالحاوية يلي جايبها من الصين مصاريف ( نثرية ) وحواجز 1000 دولار وتقول يا اخي دولة عندها مصاريف

بتتذكر لما كان المعلم يمر لعندك عالمحل ويقلك باديش عبتبيع ياحبيب تقلو ولو يامعلم المحل كلو على حسابك يقوم يقلك حطلي عشر قطع وتقلو امركم مولانا مافي شي من واجبك

بتذكر لما كنت توقف عالحاجز ساعة لأن العسكري مضروب مزاجو وماحابب يمرر حدا وترجع تمشي بعد الساعة يلي وقفتها وانت عبتغني بلاد العرب اوطاني

بتتذكر لما كان ابنك بالاحتياط يخدم شي ١٠ سنوات وكل شهر يعطيه المعلوم للمعلم وانت مبتسم

بتتذكر لما كنت عزيزي التاجر يلي معك سكري وقلب حاطط كيس أدوية بالبيت مشان إذا فجأة انحبست يلحقوك أهلك بكيس الدواء عالفرع ويدفع ابنك 500 الف ليفوت الدواء لعندك وانت تشعر بالسعادة

بتتذكر لما انحبست ستة أشهر بفرع الأمن بعدين قالولك تشابه اسماء فقلتلهم حقكم الطبيعي جل من لا يخطأ

بتتذكر لما كان المعلم ينزلك من سيارتك لأن عاجبتو ويقلك بدنا إياها مهمة خاصة تبقى راجع الفرع بعد شهر وخدها وتقلو امرك وتنزل وأنت ممتن كونك أصبحت شريك في حل الأزمة
بتتذكر ياحبيبي لما تكون نايم واهل بيتك جنبك وتلاقي الأمن ناطط عبيتك وفوق راسك بلا احم أو دستور وتقبلهم امركم أصلاً كلنا أخوة بالدين

بتتذكر لما النظام فلت شبيحتوا لمدة اكتر من تلت سنين وينخطف الواحد من نص البلد ويطلبوا فدية وتطلع تدفعها متل الحباب ومايرجع المخطوف وتقول يلي الو عمر مابتقتلو شده

بتتذكر لما كان الأمن يداهم شي حاره ويفتح رصاص ويموت ابن جارك وفوقها يوقعوه لابوه يلي شافهم وهنن عبيقوسوه انو عصابات إرهابية قوسته مو هنن وتنزل تشهد معو وتقلو طول بالك الحمدلله عندك غيرو

بتتذكر كيف هدولك فيلتك بالطيران والبراميل وكأن القرهابيبن جونكر وما بموت الا بالبراميل
فكانوا اجحش جيش عبر التاريخ

حبيبي المواطن يلي صار احساسك فجأة مرهف وصرت تشتكي عالطالعة والنازلة فتح عينك

ياريت تستحي عدمك💥. وتترك الناس تشتغل لنشوف شو راح يصلحوا بيلي تخرب خلال 54 سنهأيها

#شكري_شيخاني (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل