ميسون نعيم الرومي
الحوار المتمدن-العدد: 7848 - 2024 / 1 / 6 - 23:18
المحور:
الادب والفن
ياسور الوطن ياجيشنه الغالي
تنهض تنتفض واتعيد امجادك
تطرد بالدخيل اوتحبس المحتال
تسكت ؟ والسكته مو عاداتك
***
اسمع للوطن ينخاك واينادي
راحت هيبته يترجه صولاتك
يا جيش البطل والدنيه تشهدلك
يا هيبة وطن يا فخر احفادك
***
احروب امعدده !وانوب جـَـوْعونه
باعونه ابرخص ننتظر وگفاتك
صرنه مكفخة للغربه والجارات
ذبحو اخوتك وانباعن اخواتك
***
ايد ابايد شرطه! الشعب ويه الجيش
نكنس كل دخيل اوتاخذ ابثاراتك
يا جيش البطل والعين تربي ليك
حـَـل بينه الخراب انريد جولاتك
***
فاليحيى العراق ابشعبه وابجيشه
يالخالد تظل بافرادك او قواتك
ياسور الوطن ياجيشنه الغالي
تنهض تنتفض واتعيد امجادك
-------------------------------------
6 / كانون الثاني / 2024
ســــــــــــــــــــــــوكهولم
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟