يالغـَـرّبـت

ميسون نعيم الرومي

الحوار المتمدن-العدد: 7515 - 2023 / 2 / 7 - 16:14
المحور: الادب والفن
    

ليوين اسهر وانتظر – اوعيني على دربك تصد
يالغربت وين ارحلت – اوبعده الزغب توه ثبت
الدنيه تـَـوهـَه زهـَـت – يا برعم ابروحي نـبـَـت
ياحلو يا معضد ورد - جوريه بضلوعي غـفـَـت
وج گلبي صاير خفت – اوعيني على دربك تصد
***
يالعينك ابلون (النخل) – (نرجس) يشع تلمع (عسل)-
امعدل اومحله الوصف – انجوم اوگمرمنه خجل
طيبه اوحنان او كرم - ليل الرمش يضوي أمل
الگـذله ع الوجنه غـِوَه – يعدلهه بيده .. اوتـِرد
يالغربت طال البعد – جرح الگلب چا بيش اشد
***
يالغربـت ما صدگت – من شـفتك اگبالي شـمس
يا الأنت روح الگلب – واهوايه اغله امن النفس
الطير غـَـنـَّه ع الشجر – والنهر موجاته هـَـمـِس
مدري صدگ مدري ابحلم – (گيتارك) اسمعه من أمس
والصوت باذني يـرن:-
*(بغداد و الشعراء و الصور - ذهب الزمان و ضوعه العطر)
*(يا ألف ليلة يا مكملة الأعراس - يغسل وجهك القمر)
*(بيني وبينك ليس من عتب - حييت تنكرني وتعتذر)

ملهوفه من نومي افـِز – بسنين البعد احسب واعد
تـِـبـْـقـَه تـِـدّور وطن – راح الزمن هـذا الوعـَـد
وابقه اساهر وانتظر – اوعيني على دربك تصد
كافي سفر گلبي خلص
اوعيني على دربك تصد
---------------------------------------------------------------
بغـداد والشعراء والصور :قصيدة للشاعر احمد الذهبي(2013)
غنتها بلبل الشرق الفنانة فيروز
-------------------------------------------------------------------------------
شباط / 2023
ســـــــــــــــــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل