بغداد يا دار السلام

ميسون نعيم الرومي

الحوار المتمدن-العدد: 7359 - 2022 / 9 / 2 - 16:04
المحور: الادب والفن
    

بغداد يا دار العلم ! يحبيبه يا دار السلام
نجمه .. انتي وانطفت .. ساد الظلام
بغداد يالكلچ مجـد بـغداد يا نور الزمان
بـغـداد ضيـم انـتي اوحـزن بـيـد الللآم
***
بـغـداد يا نـبع الأدب .. واحة جـنـان
بين (كرخچ والرصافه) عشگ واحلام اوغرام
بـغـداد يا شـدّة ورد بيهه أنـواع الزهـور
وابقصد طشو ضعنه ذوله اولاد الحرام
***
متحزّمين او بالحقد (هولاك) والفرس اوتتر
مـن زمـن أور.. (شوشان اوعيلام)-
كتلو الفرحه ابگلبنه طشو الموت الزؤآم
خنگو اصوات البلابل حرگو اعشاش الحمام
***
بغداد حلوه اتيتمت نسوه واطفال او رجال
ارهاب،تخريب اومذله اوما نفع بيهم كلام
سبح وافلوس اومحابس والجهل والإحتيال
والتخلف صار منهج عجزت اتوصفه الاقلام
***
اشوكت نفرح ؟ يمته نبني ؟ يمته وانعيش الحياة ؟
يمته تنظف يا وطنه تطرد انصاف الازلآم
يا شـباب الثـوره انـتـو (ولد تـشـرين) الأمل
يالله نهضوا .. ابعزم هتفو! ابصوتكم صَحـّـو النيام
بـغـداد يا دار السلام
----------------------------------------------------------
2 / أيلول /2022
ســــــــــــــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل