ناظم الغزالي (سفير الأغنية العراقية الذي سطع نجمه عربيا في ذكرى وفاته)

ميسون نعيم الرومي

الحوار المتمدن-العدد: 7772 - 2023 / 10 / 22 - 22:44
المحور: الادب والفن
    

يا صوت البلابـل ياغـَـرد
فـَـنـَّـك لـَحـِن كلـَّه طرب
اسمك عـِلـَه بين الدول
للفن رَمـِـز كل العرب
****
صوت الربابه لوصحت
يهـتـَـز يظل حتى الشـَجـَر
ما تـِـنـّـسي تـبـقـَه ضلع...
من (التـراث) المَجـَّـدك
***
يـبـن الشعب ياللي ارحلت
(نجـمك) عـِلـَه خالد بـقـَه
*(ناظم) أنـَه .. استذكرك
انـت العـَـلـَم للفن عـِـلـَه
***
*(سته) (العقود) اللي گضن...
من ارحلت .. وارد اذكـرك
لنـَّـك أبـَـد ما تـِـنـّـسي
واسمك خلد مثـل (النخل)-
***
يبن العراق .. ابن الشعب
خالد تظل مثـل (النهـَـر)-
مثـل (النخل) مـثـل (العـَـلـَم)-
ابعين العراق .. ابكل گلب
***
ارد اخبرك عن (راهب)*..
المرت عليه ذيچ (الإبل)-
لعياله ( كـِتـْـلوهه) حرگ*
او..عن كل حلو ابهذا الوطن
*(دمـَّه) يسسيل .. اوينذبح
***
*وابن(الحموله) اللي اعرفت
بـَـدّل مسيره.. وانزوه
صبغ اونفخ ويه البوتوكس
او (زرع) الشعر صاير دوه
***
*او(خمرالعنب) عنهه الگلت
صارت حرام اوهم ذنب
انباع الوطن كله اندمر
و(اتكبسلوْ) نص الشعب
***
وارد اخبرك بعد اوبعد
ع الي جره.. ما ينحچي!
شحچي شگول ! اوبس بعد
لن الجره ضيم اوبچي
***
-(ناظم) انه استذكرك..
ابيوم الرحيل الي ارحلت
تبقه عـَـلـَم عالي يظل
والفن (التراث) انت الضلع
----------------------------------------
*(ناظم):- الفنان المعروف ناظم الغزالي
الذي ولد عام1921 في بغداد ورحل عن عالمنا يوم 23/تشرين الأول/1963
كانت قدرته غير عادية على إجادة الموال وتوصيل النوتات بوضوح، بجوابه المتين وقراره الجيد في مختلف ألوان المقامات وأنواعها
-------------------------------------------------------------------
*(راهب):- اشاره الى اغنيته المشهورة التي يقول فيها
يا راهب الدير بالإنجيـل تخبرني
عن البدور الللواتي ها هنا نزلوا
ا
لما أناخوا قبيل الصبح عيسهم
وحمّلوها وسارت في الدجى الأبل
*حرگ:- اشارة الى مصيبة حفلة عرس الحمدانية في الموصل
---------------------------------------------------------------------------------
*وابن (الحموله):-اشارة الى اغنية يبن الحموله عليه اشبدلك
*خمرالعنب:-اشارة الى اغنية اي شيْ في العيد اهدي اليك...
-------------------------------------------------------------------------------------------------------------

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل