صحايى الملخبطين

اشرف عتريس

الحوار المتمدن-العدد: 7834 - 2023 / 12 / 23 - 11:02
المحور: كتابات ساخرة
    

دولم هدية ربنا ليا فى اوقات عصيبة وزى الزفت ،
كنت باحس ان ربنا بيطبطب عليا لما بعت لى الناس دى صدفة وقدر
وكل شئ فى حياتى لفترة معينة ، مرغم عليك يا ُزمُل
يعنى فى الجيش واحد كان معايا من المنصورة واثناء الخدمة بالسلاح
على المكاتب ونحن فى منتهى اليقظة – لانوم ولا دمع – يقف يقول :
ولما تلقى نقلة لفت – تعرف بأنك تُهت وضعت (من الليلة الكبيرة )
وغًلبت اصحح له المعنى والصياغة واقوله : مقلة ِلب – يعنى محمصة بتاع السوادنى ياض
لكن البعيد مخه جبس وجسمه جاموس ابيض هيفهم ازاى !!
واحد تانى فى وسط طابور الهتاف (فى المغرب كده) قبل نوبتجية البرنجى
ومن غير أى داع ولا مقدمات يمسك ودنه ويقول بصوت مسموع : ترالالا
وتلقانا مسخسخين للتكدير والعقاب وهيطلع عين ابونا بسبب ترالالا ..
التالت وربنا مايوريكم منتهى الغباء رغم انه كان ليسانس حقوق ،
لايمكن يعمل حاجة صح ، تقريباً كنا هنتحاكم أكثر من مرة بسببه ،
ده الصاحب اللى يغرق حرفياً وعنده كم من البلادة يا جدع ، حاجة صعب
بس وجوده ضرورى لكسر الوقت والملل والضجر والزهق والفلس وكل حاجة
كان سبب للضحك وفوات الايام على خير وبقت ذكرى مليحة #نوستالجيا
ناس غريبة وحركات ملهاش آى تفسير ، لاعقل لا منطق ولا مؤهلات ولا
حاجة تنفع تقيس بها سلوك صحبة الميرى .. حاجة آخر لخبطة فى الدنيا
#آه_والله_كده

#اشرف_عتريس (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل