السحر المبين، حوار روحاني

حسن مدبولى

الحوار المتمدن-العدد: 7684 - 2023 / 7 / 26 - 10:58
المحور: الادب والفن
    

( حوار مسرحي تخيلى قصير ، بين مندوب ينتمى لجهة رسمية،( أ)وشخص يرمز لملايين المغيبين،(ب) وعموما الطرف الذى يبدأ الحديث دوما هو مندوب الجهة الرسمية )

أ- حضرتك عاوز تفوز بالدورى !؟
ب -أيوه والله ياريت ، بقالنا سنتين الحسرة واكلانا (ودماغنا ) ولعت

- وعاوز تدخل بطولة أفريقيا وانت مالكش حق تشارك أصلا وتفوز بيها كمان !؟
- أبوس أيدك ، أحسن مش عارفين ننام من ساعة العبارة الخالدة ( إتس نوت فير ) والخسارة على أرض المغرب،

- طيب عاوز تدعس عدوك الزمالكاوى وتجيبه الأرض، وتحبس ريسهم !؟
- فل الفل ده أنت كده إشطه بالعسل يحيا العدل ،،

- و كمان عاوز كهربا ( عقده صح) وماحدش يقدر يفتح بقه؟
- هيا دى، لازم نثبت أن لاعيبتنا فوق الجميع، آه اومال إيه إحنا شوية ولا شوية !!

- طيب ايه رأيك كمان اجيبلك لبن العصفور، قصدى إمام عاشور؟ واهو تبقى علمت عليهم وطرقعتلهم!؟
- ينصر دين اللى جابوك، أصل كيد النسا عشق وغية !؟

- كمان أنا عارف إنك مكسوف وقلقان تدافع عن كابتن الشحات، عشان موضوع (الكيم) والمبادئ ، لكن ماتقلقش تليفون صغير هيحل كل حاجة. ولو الواد المغربى عصلج هنخليه يسيب البلد خالص ،،
واحنا المهم عندنا إنك إنت تبات مبسوط ومزقطط،
- ربنا يخليك لينا يا باشا ويديم علينا نعم الأمن والأمان
،تحيا مصر

- لكن لينا شرط واحد لازم تلتزم بيه !؟
- أوامرك يا سيدنا وأبانا وتاج راسنا !!؟

- مالكش دعوة بالسياسة، ولا بالأسعار ،،
- بسيطة بسيطة ، مالناش دعوة، ياكش تولع ،

- إيه هيا اللى تولع !؟
- الأسعار ياباشا، الأسعار ،

#حسن_مدبولى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل