كلمة وغنيه- في عرس يارا

عزيز سمعان دعيم
كاتب وباحث، أومن بالربّ الذي هو محبة ونور وخلاص.

الحوار المتمدن-العدد: 7253 - 2022 / 5 / 19 - 01:34
المحور: الادب والفن
    

وااو شو مؤثر هالموقف.. حاسه قلبي بده يوقع من محله .. شوي شوي بصير احسن !!
أول شي بدي اقول شكرا للرب على النعمة اللي اعطانا اياها واللي بتتجدد كل يوم .. ولو انه من طبيعة الحياة في طلعات ونزلات في الطريق ومرات في ألم أو قلق أو مرض لكن منقول برضى وامتنان "إلى هنا أعاننا الرّبّ".
وبعد الشكر للرب بنعاود ومنشكركوا جميعا على مشاركتكوا فرحتنا... الفرحه هيك هيك كبيره ... وعم تتضاعف أضعاف وأضعاف بوجودكوا وبمحبتكوا..
عازمتكوا تشاركوا معنا بوصله قصيره فيها فن.. موسيقى.. مشاعر.. وعفوية ...جمّعت فيها بين قصص صغيره عن يارا وأغنيات الها معنى خاص لالها أو لالنا كعائلة... "كلمة واغنية" بتحكي عن يارا عروستنا
ياللا نبدا ومعزومين تشاركوني

يارا الجدايلها شقر
https://youtu.be/
من 0:26 (يارا الجدايلها شقر) حتى 0:55 (يارا)
وبتستمر موسيقى كاريوكي لنفس الاغنيه وأنا احكي
*حكي عن صفات يارا الصغيرة
يارا من وهي صغيره بتعرف بالزبط ايش بدها.. وركزوا على كلمة بالزبط . دقيقة الحواس خاصه حاسة الذوق والشم... حادة النظر.. بتحب الجمال/ الكمال.. حنونه وخدومه لأبعد الحدود !!
يارا من وهي بنت سنوات كان بميزها انها بالأول بتوقف على جنب بتتأمل الموقف وبتدرسه منيح وبس تفهمه بتخش بالموضوع، وبتكون ملكة المكان بنغاشتها وبحسها الاجتماعي العالي.
اغنية قمرة يا قمرة جورج نعمة
https://youtu.be/00fdFuu9luI
من 0:00 حتى 1:12
** يارا حبيبة ابوها..
أما قصتها مع أبوها قصة خاصة... زي ما دايما بتقله... شو بتقله؟؟ قولوا معي... " مزبوط بابا بتحبني أكتر وحده"
اغنية "البنية" كاظم الساهر
https://youtu.be/TCFz1KuzL2c
من 0:04 بداية الموسيقى حتى 0:48
ولما كبرت اكتر واكتر يارا قالت عنها معلمتها نداء.. مغناطيس بتجذب الكلّ لالها.. وبالعيله سميتاها المعدله كل شي بطلع بايدها والكعك ابداعها الخاص.. نياله اللي عنده بنات وما حدا يزعل (شيرين.. مريم خوري.. انغام.. ومين كمان..)
**اغنية يا بنات يا بنات
https://youtu.be/LPsg4t6Jg0c
من 0:00 حتى 1:27

أول مره كان لقب يارا الشوكلاطه، وبعدين معرفتش كيف طلع معي بس لما كبرت يارا صار دلعها توتي
** يا بنات يا بنات https://youtu.be/LPsg4t6Jg0c
من 1:39 حتى 2:47
فعلا ...* ولا شفت الأرض اتهدت ولا مالت الحيطة علي...
ومتل ما قالت عنها أختها منار عيوقة وبتقرب كلّ الناس الها** وباهداء خاص من منار
**حليانة
https://youtu.be/QfFJ4nxGbeY
من 0:11 حتى 0:35
**مش عشان أنا إمك.. او عشان انا امك... نياله راغب عليكي يا يارا
** نيالو.. زياد برجي
https://youtu.be/QfFJ4nxGbeY
من 0:55 (سمالله) حتى 1:14

** ولما كبرت يارا وصارت بدها تختار مهنة قالوا عنها "بتمسك بايد الناس وبتطلعهن من الظلمة والالم للنور" وامها اللي علمتها الشحدة سبقتها يارا عالبواب
**اغنية انت معلم
https://youtu.be/_Fwf45pIAtM
من 0:20 (بداية الموسيقى) حتى 0:46
واسا وقع الجد ومثل ما قال جبران خليل جبران عن الاولاد ..
**جبران .. اغنية وظل المصطفى
https://youtu.be/0K4vImJ7nk4
من 8:19 موسيقى حتى 8:50

ومثل ما قال الشاعر اعطو أولادكم جذورا حتى يتعمقوا بالأصل واجنحة حتى يطيروا
**الزواج
وبنفس الاغنية لفيروز لما بقول الشاعر ...
حدثنا عن الزواج...
بقول : ولدتما معا لتظلان معا حتى في سكون تذكرات الله
وبكمل وبقول ...
**عن الزواج في اغنية وظل المصطفى
https://youtu.be/0K4vImJ7nk4
من 7:48 حتى 8:11

فعلا امي "إنما اتركا بينكما بعض فسحات لتسكن فيها رياح السموات... "
**تابع مع موسيقى اغنية المحبة حتى نهاية الكلمة
وهيك وانتوا عم تكملوا مشواركوا مع بعض ايد بايد.. خليكوا حبوا الله أولا وخلوا محل للصلاة والشركة والتأمل الكوا مع بعض في حضرته.. تمسكوا بالإيمان والرجاء والمحبة... هذه الثلاثة ولكن أعظمهن المحبة.. لأن المحبة هي رباط الكمال
وتذكروا أنّ المحبة لا تسقط ابدا.. المحبة لا تعطي إلا ذاتها... المحبة لا تأخذ إلا من ذاتها... لأن المحبة مكتفية بالمحبة.
** المحبة لا .....**
https://youtu.be/0K4vImJ7nk4
من 10:31 حتى 11:21
أما أنت إذا أحببت فلا تقل الله في قلبي ...
لكن قل أنا في قلب الله

(كلمة زوجتي د. رائدة دعيم في احتفال زواج ابنتنا الغالية العروسة يارا دعيم لعريسها راغب خليل)

#عزيز_سمعان_دعيم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل