شحلاتك جنت بالأول

لؤي الشقاقي
كاتب _ صحفي _ مهندس
(Dr Senan Luay)

الحوار المتمدن-العدد: 7132 - 2022 / 1 / 10 - 02:33
المحور: الادب والفن
    

من موروثنا الشعبي ان بنت غابت عن حبيبها بدون انذار ، وتغيرت معه ونفرته وتهربت منه ، ولم يعرف أسباب للخصام وللفراق .
الشاب تعجب من فعلها وذهب اليها ووقف تحت شباك غرفتها وانشد زجلاً باللهجة الدارجة .. يعاتبها فيها ويسأل عن سبب الجفوة مذكراً لها بما كان وماجرى بينهم في سالف الايام

شحلاتك چنت بالاول
شجاك وطبعك تبدل ؟
كلي ..
سمعت شي عني ؟
وصلولك خبر غثك
شلون عرفت تتبدل
حسافه المحب يتحول
وهيچ بلا ذنب يرحل
شجاك ؟؟
شبرّد أنفاسك ؟؟
لا لهفه
ولا چلمة عشگـ ترفه
لا بوسه ولا لمسه
ولا بالچذب تتغزل
ولا چن بالغلط تسأل
ما غصيت مرة ؟
ماغصيت مثلي من يمر طاريك ؟؟
ولا دمعه شوگ من عينك غصب تنزل
تالي صرت
انه الچنت بالأول ..
چنت تصحى وتنام على العشك
وعليه هواي تدلل
جنت تزعل
تتحجج عليه تريد اتوسل
هيج بلا سبب تزعل
يعجبك نبقى نتصالح
وابوسك بوسة معاتب
واحضنك حيل واتوسل
وبچلمة احبك كل زعل يرحل
هسه بلا سبب تزعل
وترفض كل صلح
وتكطع يالچنت توصل
عليه شبدلك كلي
چنت من چلمة غزل تنحل
وبنظرة عشك تتسودن
وتسهرني واغنيلك واناغيلك و لوليلك
وعلى چلمة احبك حيل
تتعلل
ورد حبي على حبك تفتح
منو يصدك
كل هذا العشك يذبل
وتالي عليك اتحسر
وعلى چلمة احبك منك اتوسل
يتالي المو على بالي
شحلاتك چنت بالأول
حسافه الي يحب ينذل
وكل هذا العشك يرحل

#لؤي_الشقاقي (هاشتاغ)       Dr_Senan_Luay#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل