السوري... واللجوء

شكري شيخاني

الحوار المتمدن-العدد: 7106 - 2021 / 12 / 14 - 20:17
المحور: مواضيع وابحاث سياسية
    

اغلب السوريات والسوريين الذين هاجروا او غادروا او نزحوا برا" وبحرا" وحتى جوا" منذ 15 اذار 2011 وحتى الان هم بصفة لاجئين وان كان البعض الكثير يمتعض من هذه التسمية ويعتبرها شتيمة ولكن هذا هو الواقع... فالرجل الذي وصل الى مافوق السبعين تلازمه صفة الشايب او العجوز ولايمكن ان تقول له ماشاء الله على شبابك فانت تنافقه وقد يحب ذلك هو وكذلك اللاجىء يريد المعونة والمساعدة ويريد الراتب من مفوضية الامم المتحدة والكملك او البطاقة الصفراء( بطاقة اللجوء ) ويطاحش على اخذ البطانيات او معونة الشتاء وعندما تقول له كلمة لاجىء فيطهر الفضب والتمرد قال شو جرحت كرامته....ياسبحان الله...كل هذا الذي جرى معنا وفينا ولازالت النفوس مريضة ومتعجرفة (( الانزعة ولو على خازوق )) بل وذهب الكثير منا بثقافته المعفنة وجهله وتخلفه ليزرعها في مجتمعات العلم والتقدم مستغلا" انظمة دول ترعى حقوق الانسان ويبدأ عن طريق هذا الاستغلال المقزز بتشويه بقية الصورة الجميلة للسوري ماقبل 2011 وطبعا هذا الكلام ينحصر بالبعض ولكنه كثير مع شديد الاسف.. ولا اعرف اذ كان البعض يعرف قصة ابو عبدو القادم من حلب سوريا الى المانيا والاسلوب القذر والمشين الذي مارسه وكان اكبر مشوه هو وامثاله للسوري والذي يفترض به ان يكون سفيرا" ينقل الاخلاق والعادات والتقاليد الجيدة والتي تربينا عليها
في سوريا.. من صفحة احد الاصدقاء انقل لكم حرفيا" عن ابو عبده...1- متزوج وعندو عشر أطفال ومرتو حامل وبحياتها ما راحت على كورس لغة الماني وشغلتها بس تطبخلو رووس ومصارين ومحاشي وكبب ومقادم .
2- يقبض جميع انواع المساعدات .
3- أول واحد بدور التافل.
4- يلبس بيجامة اديداس وبوط . طبعا التقليد ام ال 15€
5- معه مصاري كثير ويشتكي القلة.
6- صارلو خمس سنوات بالكورسات الالمانية.
7- دائما مسافر بين المدن ومشغل بث مباشر عالفيس وحاطط عمر سليمان ونحن زلم الجد.
8- لباس اطفاله دائما من الباله والبلاش .
9- ودائماً تلاقيه عند الجوب سينتر وبيشكي انه الجوب خاصمين عليه 10 يورو الشهر الماضي وجاي يسألهم ليش خصمتوهن.
10- يشتغل بالتحويل على تركيا وسورية وبقية الكوكب .
11- واذا بدو يشتري حب وجع راس من الصيدلية بياخذ مترجم معه لحتى يقول للصيدلانية بدو حب سيتامول 500 .
**من اهم اقواله: موظف الجوب سنتر تبعه نازي و انسة الكورس مابتحب الاجانب. وعالبيعة رسب بال B1 لانه شريكه بالمحادثة خبص,..
**بيشتغل بالاسود طول النهار وبس يدبرله الجوب سنتر شغل بيعمل حاله مشلول
**اذا بعتو الجوب سنتر علماسنامة بروح اول يوم وتاني يوم بيجيب اجازة مرضية لشهر
و بقلك يا اخي مالي مبسوط.. واصلا هو عم يستنى تخلص الحرب لحتى يرجع
**ومو عاجبو المانيا وبدو يطلع على سويد او دنمارك لان هنيك بيعطو جنسية بتاني يوم..
** وبكون عندو قناعة انو المانيا جابت اللاجئين لهون طمعانين فينا مشان يستفيدو منا ولانو ما بخلفو كتير .
** 24 ساعة عل ebay يدور شغلات بلاش وكرشو قدامو متر ومرتو مشلشلة ذهب
** معو دائما تقرير طبي بجيبتو وشرطك من عند دكتور عربي
** وبسوريا كان عندو 10 محلات و 5 سيارات و4 بيوت و 10 اراضي.. بس ندم انو اجا لهون
** كل ما تقعد معو ببلش يسرد قصة كيف وصل عالمانيا::,وكان قبل عايش ملك ( لا صادق)
** ويلي بيقهر انو بروح 130 كيلو متر مشان يجيب اكل للبيت لاني ارخص بسنت بجيب ب 150 يورو بضل شهرين مابيعرف شكل الماركت**
او بتلاقيه عمدور ويسسسسأل وين في مزرعة بقر مشان يجيب حليب ومرتو تعملو جبن
-وبيكون دافع 0000 1 الف يورو مشان ينجح بشهادة السواقة
وبيشتغل بالاسود بنقل البضائع و الاشخاص بين المدن
حاطط ولادو بالحضانة والهورت من السبعة للخمسة العصر لان مرتة مالهة خلك بالتربية وكل طفل عندة تليفون ايباد
جملتو الشهيرة
تورّطنا وإجينا ع المانيا وبيقلك لو يطلع بأيدي من الصبح رجعت عا سوريا ( كذاب علي الحلال)
الي بيشتغلو ابيض بيتدينو منو بنص الشهر
وبدور وين في جمعيه ب1000€ بتلاقيه نازل فيها!
بيكون فايق الصبح الساعة 4:00 مشان يروح عسوق الاحد وبس يكون عندو موعد بالجوب بضرب الكرة الارضية كلها منية
وقت بدو ترجمة يطلع روح رفيقوا بلترجمة وديما بيشكي القلة
وبكون ضارب المانيا منية لإنو عم يجيب ولاد ببلدنا وكلما تقعد معو بكون عم يلعب بمفاتيح السيارة ولابس بيجاما اديداس كتير ديقة وصغيرة عليه ويقلك خيو ((بدون ولادنا)
اذا فضي بيت جنبو بصير يدور على واحد منشان ياخد سمسرة
ويقول والمان كفار لان بياكلوا خنزير والله يهديهم
من اهم مقولاته الراتب مانزل ليش تاخر
بيشتري بالكيلو جبنة حلوم او مشللة وبنزل كل يوم حالة على الواتس يسعد صباحكم أحبتي
ومرته عم تفكر تفتح قناة يوتيوب ( او هي تبع ميك اب ارتيست مدري شو
او بتلاقي مرتو عاملة صفحة عالفيس باأسم مطبخ شكران او حلويات سوزان وبتقلك انا بطبخ بالبيت ووبيع للشباب العزابية خرام بعيدين عن اهاليهم قلتيلي قلبك عليهن ( صباح الخير )
و بيصرف بالاسبوع 100€ 💯 فقط
ماتو عاشو جاعوا ا مالو علاقة 100€ بالاسبوع
وقناعتو أنو ألمانيا جابتو لهون طمعاً بالعقول النيرة السورية والأيدي العاملة ولمصلحتهن ليستفيدوا من خبراتو بالمثابرة 10 سنين بالكورسات
وقت بيكون صديقك وبدو ينقلك غراض بالسياره بيقلك عبيلنا 10 يورو بانزين
طبعا هالشخصيات معروفة
تلاقي سري مري رايح جاي ع الصرافة يستنى ال 3000€ لينزلو
لان ما وصل لمخه اختراع الاونلاين انه يشوف حسابه اذا نزلت العمله او لا
و بس ينزلو
محرم عليهن يباتوا بالصرافة اكثر من 3 ايام لازم يباتوا مع اخواتهن و ابائهن و أمهاتهن
هو لو طالع بايده يسحبهن مرة وحدة ما يقصر
بس يسب ع قوانين المانيا انه ما يحقله يسحبهن مرة و حدة
و يعتبر هالقانون متخلف
كان ببلده بحلب الصاخور شاحطتو الكلاب ووقت اجا لهون براس التأمين .صلح سنانه وعمل عمليات كلشي مجاني ومخلي مرتة مثل القطه بس تخلف كل سنة لازم تحبل وتجيب
وبضل بقول يلعن شرف اوربا والله خايف ع الولاد ينحرفوا
ويقلك رب العالمين سخر إلنا هل الالمان الجدبان والجوب سنتر تبعهم كرمال يحنوا علينا نحن الاجئين وبالاخير راح ننشر القيم والاخلاق في اوروبا ومابعرف ليش رب العباد ماسخر الهن جماعه السعودية
وبنزل بتمشى ومفتاح السيارة بميدالية للأرض كرمال الكل يشوف انه عنده سيارة ..وبشتري ماكينة حلاقة بعشرة يورو بحلق فيها شعراته وشعر ولادو وشعر دقنه والأماكن الحساسة
ومقضيها ع كرتونة فخاد وبطاطا بالفرن
وبكلشي بفهم شو مابتسألو بئلك عندي
ويدور دواليب صيفي عالايبي
اخر شي بيقول الالمان حمير والي يشتغل ابيض جحش
وانه لازم نغير حياتنا ونعمل دولة قانون ويسود العدل على الجميع
(اب عبدو زافيرا ) البوست الجاية بقلكن كيف بيستقبل عرسان.... هذا نموزج لبعض الجهلة والمتخلفين الذين شوهوا صورتنا السورية الجميلة.. والموضوع لايتعلق بنظام او معارضة فقط يخص اخلاقنا وتربيتنا.....التوقيع سوري لاجىء

#شكري_شيخاني (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين