اليسار مش اللي بتشاوروا عليهم. ولا اليسار ادعياء اليسارية.

احمد حسن

الحوار المتمدن-العدد: 7021 - 2021 / 9 / 16 - 11:42
المحور: اليسار , الديمقراطية والعلمانية في المشرق العربي
    

===
في رد الشبهات
حالة خلط بلا حدود قلبت السياسة كشري وخلت الكشري سياسة. هذا الحديث عن فلان اليساري او تلك الجماعة اليسار الذي شمل الاصحاب والموظفين والارزوجية وجزء كبير من الحقوقيين. فضلا عن احزاب بعضها شعبوي واخرين - مثل التجمع ومن على نهجه - عملاء دولة حرفيا، واخرين علاقتهم باليسار استمارة او قعدة قهوة.
اولا مسمى اليسار بهوق جدا .. من مبتدأه كان مقصود بيه المعارضة الليبرالية اللى كل مفاهيم الثورة والتغيير الاجتماعي بعيدة عنها بالف سنة ضوئية. كتلة ليبرالية قاعدة عالشمال في البرلمان الفرنسي والنظام والنبلاء يمين ووسط، مكانش فيه يسار من اصله .. ومن ساعتها اتسمت المعارضة بكتلة اليسار او اليسار.
اليسار الحقيقي يبدأ من الاشتراكية الديموقراطية ويتطور لما يبقي الماركسية ، عايز تتكلم عن اليسار يبقي عن حد ماركسي وعن حزب يعلن نفسه بوصفه ماركسي، انما عشان حد مسمى نفسه اشتراكي فاحب اعرفك ان حزب السلطة الناصرية كان اسمه اشتراكي - وحزب السادات كان اسمه اشتراكي والف حزب معادي لأى اشتراكية كان اسمه اشتراكي.
حتى كلمة الاشتراكية لما بهوقت في ايام الحرب العالمية الاولى الاحزاب الماركسية تخلت عنها ورمتها في الزبالة واعلنت نفسها احزاب شيوعية بوضوح.
المهم دى معايير عامة جدا وحتى مش كفاية .. بس مسخرة ان اشخاص مالهمش ادني علاقة بالماركسية او الاشتراكية او حتى التفكير الاجتماعي الثوري ويطلع بغل يقولك ماهو اليسار اهو.. لا دا ودول مش يسار الا في حدود انها لفظة مبهؤة ماتساويش ولا تدل على اى حاجة. احزاب بقي مراكز صعاليك مش مهم.
والكارثة لما طلع ناس اتكلموا على (اليسار بالمعنى الواسع) اللى هو البهؤة والاردغانة والكشري، فتتضيع الملامح والمفاهيم ويتفتح الباب لأى حاجة تقول يسار. عايزين تحاسبوا اليسار يبقي تحددوه الأول، وبعدها نبدأ كلام.
الافشخ جدا كلمة الثوريين والينايريين ومعسكر الثورة... دى بقي عصيدة مش كشري، لأنها جمعت كل متخلف ومتقدم ومغامر ومتسلق وجاهل ورجعي وانتهازى الى اخر مكونات العصيدة الاجتماعية التلقائية وخلعت عليهم صفة ثورى - حتى الموت - مش كل المعارضة ثورية، ومش كل من اشترك فى مظاهرات ثوري، ومش كل من هتف ثوري، بعضهم نضيف ووعيه محدود وبكتيره غضبان من سياسة الدولة لكنه متألف مع كل الحاجات التانية المتخلفة فى المجتمع، وبعضهم وبعضهم تنويعة متابينة جدا .. الثورى دا حد كرس حياته للثورة وانتظم مع احرين لانجازها ولديه رؤية لماهية واساليب واهداف الثورة. ودا بالضرورة فرق معينة وقليلة ولها معايير مختلفة تتحاسب عليها، اللى خلع او رجع لحضن الدولة او اتخلى عمليا او نظريا عن الحاجات دي يتقال عليه - ومن باب السخرية فقط - ثوري سابق، لكن ماهواش ثورى على الاطلاق .. يناير بقي او فبراير او يوليو او اى شهر في السنة.
هل دا معناه اليسار طاهر وبلا خطيئة - او حتى الشيوعيين ... اطلاقا .. محدش خالص ادعي كدا .. بس دي قصة تانية خالص.

#احمد_حسن (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل