هتك عرض اطفال برجال الدين

ماجد الحداد

الحوار المتمدن-العدد: 7017 - 2021 / 9 / 12 - 23:23
المحور: الصحة والسلامة الجسدية والنفسية
    

فيه شيخ بيحفّظ قرآن في الدقهلية هتك عرض طفلة من فتحة الشرج أكثر من مرة وهو بيحفظها القرآن ، واستغل ثقة امها فيه ، وعمل كدة والام بيتنفسوا عادي في مية المخلل من شدة الإهمال ، مادام الشيخ راجل بتاع ربونا ، وتلاقيه كان بيتنطع في الكلام زي شيوخ السلفية كدة برضو عشان يضفي مسحة بشعة على حياتنا كلها قبل ما يطمنهم أنه سلفي ومن الفرقة الناجية .

و عادتنا لما نتكلم عن قضية لازم نبص لها من أهم زاوية ممكن تكون نسب الخطأ فيها بتبقى قليلة جدا وهي زاوية العلم و المنطق .
احنا ماشين و شايفين أن أغلب الأحوال جرائم البيدوفيليا بتبقى ملتصقة برجال دين .
يعني مثلا مش اول مرة شيخ يعمل كدة في طفلة أو طفل في مصر وبرة مصر .
ومن شهرين واحد هتك طفلة لسة رضيعة طفلة البامبرز .
ومن وقت للتاني بنقرأ اخبار من النوع ده من رجال دين ، ومن ناس عادية برضو .
و كمان فيه كلام في كتب تاريخ التراث مليانة مواقف من المثلية والبيدوفيليا ، حتى في بلاط الإمبراطورية الإسلامية ، وايضا كانت موضة في غروب العصر البطلمي لليونانيين كنوع من الجمع بين البيدوفيليا والمثلية يكون عشيقه طفل مراهق يعني .

طبعا مش محتاج اقول لكم أنه مرض منتشر بشكل مبالغ فيه في شرق آسيا ... وشرحت لكم تفاصيله في البحث بتاع كوكب اليابان الشقيق
فاكرينه و لا ايه ؟

و كمان ريتشارد داوكينز في كتابه ( وهم الإله ) اتكلم عن حالات كتيرة بيدوفيلية وسرد قصص عديدة بتحصل مع رهبان كاثوليك .
غير من سنتين كدة ضبط ٣٠٠ قس امريكي اتحرشوا بآلاف بأطفال في ولاية بنسلفانيا بناء على ما ذكره موقع ال BBC .
و كمان في غيره و غيره بيحصل ...

طب يا ترى ليه البيدوفيليا اللي شايفنها بتبقى اكتر في رجال الدين ، ولا هم عشان رجال دين فبنحس ان الحالة دي وقعها اصعب من لو كان رجل عادي ؟
معلش عارف هتستغربوا تقولوا رجل رجل مقلتش ست بيدوفيلية ليه ؟
عشان نسبة إصابة الرجال بالبيدوفيليا أعلى من النساء ببساطة .

ايه هي البيدوفيليا ؟
البيدوفيليا : هي الهوس الجنسي الموجه للأطفال قبل سن البلوغ .

انا بميل لمدرسة التحليل النفسي اللي عملها
#سيجموند_فرويد لأسباب كتير
وعمنا فرويد بيقول في كتابه ( الكف والعرض والقلق ) و كتاب ( التحليل النفسي للهيستيريا ) أن الغريزة أو الهو _ اللبيدو _ لما تلاقي كبت من الأنا عشان بتحترم أوامر الضمير _ انا الاعلى _ لازم تلاقي لها طريق تفرغ فيه طاقة الإرادة دي .
حسب استعداد الشخص ...
ممكن تتحول لأعراض ذهانية زي الهيستيريا و الوسواس القهري أو الهيستيريا التحولية في أعراض جسدية مالهاش سبب بيولوجي أو فسيولوجي .
و ممكن تتحول لشئ مفيد للناس تقدر تحقق بين مجد والناس تسقف لك و ده بنسميه الاعلاء ... مثلا لما يكون حد يمتلك قوة عضلية خارقة بدل ما يبلطج ويسرق بيها ، يروح يتعلم رياضة معينة ويتفوق فيها ويحقق ميداليات ... اللي بيعمله ده اسمه ( إعلاء ) .
و ممكن يتحول لأشكال تانية من السلوك ينفع الغريزة تتسرب وتتفرغ فيها عشان هروبا من القلق اللي بيسببه الكبت .
الكبت بيكون بسبب التعارض بين رغبة الغريزة وبين محتويات الضمير اللي اكتسبها من المجتمع ، فبضطر الأنا _ الذات أو الشخصية _ بكبت الغريزة عشان حماية للإنسان من التعرض للهجوم أو عدم القبول الاجتماعي .
من ضمن محتويات الضمير دي هي الدين والرقابة الصارمة الي بيحاول وضعها من الخارج على الفرد .
هنا بقى يظهر اختيار الاطفال كطريقة آمنة لتفريغ إرادة الغريزة ...
انا وضعت فرضية باقتراح اربع أسباب لانتشار البيدوفيليا أكثر بين رجال الدين ، وان كانت تحتاج لاحصائيات دقيقة عشان يكون كلامي موثق.

تعالوا نحلل الأسباب المقترحة سوا :
١ _ الطفلة أو الطفل لا يملك القدرة على الاعتراض أو المقاومة ، لذلك هو فريسة مناسبة .
٢ _ استغلال الثقة التي يفرضها منصبه الديني اجتماعيا بين الناس يجعل اختلاؤه بالطفل وحتى المرأة أكثر أمانا وحماية من اي منصب آخر . والغطاء الديني والسرية التي يتمتع بها .
٣ _ البعض منهم يعطيه شعور منصبه الديني فوقية على المجتمع و احساس خفي بالحظوة عند الله و ده يطمنئنه نفسيا أن هناك تغافل من الإله عن أفعاله بعد التوبة . و كتير جرب الهه انه فعل و كرر جرائمه و ما عذبوش و لم يرى منه دليل غضب .
٤ _ التحرش بالأطفال والبيدوفيليا خصوصا للشخصيات الدينية تحايل نفسي مهم لتفريغ الغريزة من غير ما يشعر أنه بيمارس كل شروطها فعلا ...
بمعنى أن الطفلة أو الطفل مش بالغ جنسيا فكدة شرط من شروط الاستمتاع المزدوج واحتمال الانجاب معدوم ... واللي هو السبب الرئيسي لتحجيم وتحريم الجنس الا في اطر معينة يضمن فيها الذكر أن جيناته هي اللي هتيجي للحياة مش الذكر تاني ... قانون يفرضه هرمون التستسيرون حتى في باقي الثدييات غير البشر .
لما ينزع كل الشروط دي من ممارسة الجنس مع الطفل هيكون حيَل تبرير تساهم في تسكين ضميره .

اعتقد أن البيدوفيليا تظهر في الشخصيات المتدينة ظاهريا أكثر من باقي المجتمع _ وهو مرض موجود في المجتمع بالفعل بغض النظر عن موقعه من الدين _

لكن لو كنت ما تعرفش المعلومة دي ... فعلماء النفس حتى الآن لا يعرفون السبب الحقيقي للإصابة بالبيدوفيليا....
فبعضهم شايف أن الجينات هي السبب
وبعضهم شايف أن تجارب التحرش في سن الطفولة بيخليك تكررها لما تكبر
و بعضهم شايف التنشئة الاجتماعية هي السبب
لكن مفيش اي تجارب مكتملة ممكن تثبت صحة اي فرضية من دول ، وان كنت اعتقد برضو أن فرضية الجينات اللي هتبدأ تخلينا نحل المسألة عشان نفهم الإنسان اكتر ، ونحاول نخليه يعيش حياة اصح وافضل .

#ماجد_الحداد (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل