عمر عبد العزيز زهيري
كاتب و باحث و شاعر
(Omar Abdelaziz Zoheiry)
الحوار المتمدن-العدد: 6841 - 2021 / 3 / 15 - 18:03
المحور:
الادب والفن
في الشمس اتكوم و نام
القلب مليان بالسنين و بالشروخ
والعينين متفتحين.. شقوق ظلام
وايدين بترعش
وشفايفه تكتم بس اهه
فاضله له من كل الكلام
ووجع في روح مخنوقه من كتر الالام
وجيوبه فارغه منفخه حسره وهوان
والناس تعدي من فوقيه
لا هو شايفهم
ولا حتي واحد قلبه فيهم حس بيه
زي ساعاته وسكته
عن حلمه كت واخداه بعيد
ويحس انه في رحلته
حاول كتير ومفيش جديد
عاش عمره كله مفتقد كلمة أكيد
ويحس فجأه بالفراغ
وبحضن نور
وهن بيسري فقلبه جوه
وبيوهبه ميت الف قوه
وبحب يتسحب ويبني بينه وبين الدنيا سور
وبيملا روحه بالسماح
ويحس انه مش وحيد
وبيلقي انه مره واحده ومن زمان
صافي وخلصان مالهموم
حس الغروب..
خلع الجسد..
وعرف يقوم.
#عمر_عبد_العزيز_زهيري (هاشتاغ)
Omar_Abdelaziz_Zoheiry#
كيف تدعم-ين الحوار المتمدن واليسار والعلمانية
على الانترنت؟