البيت العراقي بيتنه

ميسون نعيم الرومي

الحوار المتمدن-العدد: 6815 - 2021 / 2 / 16 - 15:20
المحور: الادب والفن
    

البيت الشيعي ايريد ايرتبه - ايريد ايعيده اويتبناه
طائفي من جدمه الراسه – فرق ناسـه وا ويـلاه
اتوسـمنه بي خير الشعـبه
ضيع صيته الناس اتسِـبـَّه
خـيـر اعـراقي كلـَّـه اينهبه
أنكـَر ماضي (الوالد) وسفه – باگ اوچذب واتبعناه
فرق ناسه وا ويلاه
***
للمجلس قشمرنه اورحنه – ردنه انحاسب بالنواب
ثاريه امخطط يخدعنه – رجعنه انكشفـَـت لسـباب
خابت آمال الثوار
يا للذله اويا للعار
ياخذ توجيه امن الجار
هالجار الفرهد ثروتنه – اوحاكمنه اليمشي ابممشاه
عشعش عدنه وا ويلاه
***
جيل الصاعد هب اوثار – قرر يطرد بالأشرار
مو بس شيعي .. البيت اعراقي – شبان النادت .. احرار
بيت الشيعي بيت الكل
بيت السني بيت الكل
اوبيت اعراقي الأصل اوهوَّه الكل
النهرين التجري ابگاعه – ميهن يروي واشربناه
للصبر احدود احنه اتعبنه – موش ارجال انتم..أشباه
اشبعنه ذل اشبعنه جوع – والمتولي ناقص جاه
اهواي اسكتنه واويلاه
اهواي احـْـمـَـلـْـنـَه واويلاه
***
بسلاحه ايهدد كل يوم – يستوزر غصبا وايريد
خطف اوتعذب اوتفجير – يوميه هالفلم ايعيد
ملينه چذب اوتسفيط
والعيشه صارت تنگيط
نص الخزنه كلهه ابجيبه – تشهد لبنوگ ابلبنان
خير امتلتل طيارات – اوزارات اتلاثه واطيان
حيف اووسفه يا شبان – تمشون اتركضون ابممشاه
حسبوه ابفطنه يا ولداه
انغشيتوا اهوايه واويلاه
واويلاه
-----------------------------------------------------------------

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل