سبع بوسات - شعر شعبي عراقي

عبدالكريم هداد
(Abdulkarim Hadad)

الحوار المتمدن-العدد: 1569 - 2006 / 6 / 2 - 10:57
المحور: الادب والفن
    

سبع بوسات
مني إلك
وحدك
ملفوفة بورق
وردات
مثل فزّة ضوة
لمعة
وتجدح بخدك
سبع بوسات
بيها الشوگ ختيلان
برد ولفلفك عرگان
واهس واشتعل ظلك
ماراشف ذبول
وضي خجل نعسان
مثل خيط الذهب
طشارة وهج
وامطرز الفستان
دايخ بالجسد عطرك
شم بيه القرنفل ..
والهوى سهران
من أول أمس
خطف لوني وتطشر
وشألم منك .. واضمك
سبع بوسات
وانت من الهوى اشعندك..؟
شِدَهْ روحي
انتباهَة ، ومغربية عيد
هلال وشافته الجيران
غيمة بچف صحاري
والبحر عطشان
وظلك .. بلل البستان
طَشرْني حديقة بيت
ياس وخالط الريحان
نسمة من تلوذ ابفيّةْ الصيف
نشنشني بمراجيحك ..
ريحة مطر .. لو كَِيفْ
وآنا اللي الرسمتك دفو
وأنت قصيدة ليل
بيها بحيرة سهر
وشعرك نواعم سيف
شمشمت بيك الورد
وياك خلگي اطْوِيل
انت صَفنتي صِرِتْ ..
خيط الفجر
انْحيلْ
بشباچْ ليل الهوى
حچاية صِهيل الخيل
مثل الفراشة طرت
بروحي
وخذتها اتْهيل ...؟
ورديت نبع الصخر
فیض واچملك سيل
وَجَّةْ ضوة
باللعب
مابيك لولَه وميل
كلهن إلك
ياحلو
فدوة يروحن ..حيل
والروح فدوة الك
وگلبي بهواك يبات
بس انت
والله إلك .. مني
سبع بوسات
ملفوفة شوگ وغزل
بماي الندى وردات .


21-5-2006

#عبدالكريم_هداد (هاشتاغ)       Abdulkarim_Hadad#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل