دللول الفخاتي - شعر شعبي عراقي

عبدالكريم هداد
(Abdulkarim Hadad)

الحوار المتمدن-العدد: 1274 - 2005 / 8 / 2 - 11:09
المحور: الادب والفن
    

الى ام الشهيد )
حسام الدين رائد حامد الجميلي
( من مدينة المحمودية

بيتنَا
من طينْ الشرف مَبْني
ونحلم بالسعادة ابيت طابو?ْ

جوعي مَضْغتي
والخبز جوعان
ونشبع بالمحبة العدنَا
واتلو?ْ

لاويتْ الزمن والعازَة عازة
وعالية روسنا
مثل حلوات العثو?ْ

بيضَا ?فوفنا والجوع عضنا
ولانرضىَ النهب
والوطن مبيو?ْ
***
من زغري
الحزن ويانَا رابي
ومن كثرالحزن
اهدومي بَسْ سود

يَشيال التعب
وينك ياصديقي..!
انَا اببابك حزينة
وينْ العهود..؟

ليوين الغياب ..؟
وانت عندي
فياييك دنيتي
وثيابك ورود

ا?عد يا حبيبي ..!
وشوفني عود..!
تعال ار?ي على حالي..!
وانتَ لي زود .
***
يا مراية حلم
ب?فوفي مرسوم
ابني المالبس فد يوم ..
جديد

وَنَّسْ دنيتي وشاركني الهموم
والله ابني على خوتَه..
ايطشرْ العيد

لاويت الزمن ..
بحلوات الأحلام
لحد كسر الظهر
ولا ننحني لأيد

يابني .. ياحبيبي
الدنيا للظيم
وماشاف الفرح
همْ ينتظر عيد ..؟

***
أنا المحتاجَه كِلْشي
حتَى الجنون
ويلي يَالولد
عْيوني داره

دِللول الفخاتي
تِرسَنْ البيتْ
وانتَ وحشتي
اغنية سهاره

بسمك ياوطن
الولد مذبوح
وين اللي يْتِنومَسْ
وياخذْلي ثاره

داير الحجي
بَسْ بالشعاراتْ
وبينَه الموتْ ياكلْ
ويِوِجْ ناره

***
كثرة ذنوبهَا
هَالدنيا ويايْ
يحاصرني الظلم
واشتّد عنيده

تاريخ القصيدة
متيه البيت
وحلو وزن الشعر
من دم وريده

عنوان الوطن
مكتوب بدموع
ولا اريد النعي
بورقة جريدة

مكسورة الخواطر
وعثرة ممشاي
واشوف ال?مرة
تتوضأ على ايده
***

مخدتنا تبن
بس عزة بالروح
وكرامتنا جبل
والوطن جنة

ي?لي ابني..
الوطن يايمه مذبوح
وبيوت الفقيرة دوم حزنه

وطنه الخير
وخيره يشبع الغير
وبس احنه نظل بحساب مزنه

هواية تنبني وتتهدم عروش
بس احنه بقينا بثوب عزنه
***


15-7-2005

#عبدالكريم_هداد (هاشتاغ)       Abdulkarim_Hadad#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل