وردة - نص شعر شعبي عراقي

عبدالكريم هداد
(Abdulkarim Hadad)

الحوار المتمدن-العدد: 1556 - 2006 / 5 / 20 - 10:31
المحور: الادب والفن
    

ياضي الفرح
ثلج الشتا طاح
فزيت الصبح
ومَا لگيت وردة
گلي أي خبر
ياغيم الرياح
هي اسرار دنيا
وحالي ودّه
الجنة..
هي روح الأنسان
وجهنم..
من يصير الحزن
عنده
گولي :
شعندچ من ورد ،
وشعندچ أسرار !
شو ضاع الورد
وما بسنه خده
***

فيض من الحسن
والحسن ياصاح
من كلشي اترسم
وألوانه فرحه
حلوات الليالي
والحب
مهنة اجْراحْ
شاطيب ياجرح
لو هاض ملحه
يگلي صاحبي
شو دايخ اشبيك..؟
وما يدري العشگ
بالسهر يصحه
شگد بيّ خلگ
وبالسكته مغناي
ادندن غنوتي
وفززني صبحه
***
يا ضي الندى
نجم الصبح لاح
گاعد من وكت
وكل وكتي لحنَه
أنا حبيت الحلو
وبشوفته ارتاح
لو يمّي أدوخ
وحيل دِخْنَا
يالطبعك غنج
وأطباعك إملاح
ما ضگنه الطعم
ولا كلشي شفنه
ياسولة عذاب
ومرتضي بيه
خواطر من جنون
وبيهَا تهنَا
گلي اشلون..
اشلون اشلون
أنبيك
نبؤاتك عشگ
وبالعشگ عشْنا


***


نور وجهك
حيرة
والسما جناح
ومرام العندي حبك
يوسع العين

سهرت الليل
حفلة عشگ وأفراح
بحيرة من الوداد
وعيد طفلين

گلي اشلون بيك
اشلوني ويّاك
انا بواهس مدينة
وعطش نهرين

رويني بسرابك
ولك مهضوم
أنا لهذا العشگ
ماعيش مرتين .

13-2-2006

#عبدالكريم_هداد (هاشتاغ)       Abdulkarim_Hadad#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل