بكل هدوء... شعبية

احمد ابو ماجن
شاعر وكاتب
(Ahmed Abo Magen)

الحوار المتمدن-العدد: 6435 - 2019 / 12 / 11 - 00:42
المحور: الادب والفن
    

بكل هدوء
نامت جروح الوطن
واتغطت بجرجف حلم
بكل الهدوء الليل يمشي
مشية حديثة خجولة وفايته بنص الزلم
بكل هدوء
الصنطة صارت تنتخي بسد الظلام
والكلب جنح الفراشة الجان حساس بلسمته
عاش خايف..
يجفل الشوگ اعلموده وينلثم
التراب الفوك نيام الوطن
يستر جروح الشباب اشما يجفنها العلم
خاف تفرح تنلجم
خاف تحزن تنلجم
خاف تنزف...
شلون تنزف
والنزيف المايبيدها يبيد عروش بسلاح السلم
بكل هدوء
الدنيا فزت
وانتشر صوت السكوت
وصار كلمن يحجي كلمة
لازم بحسرة يموت
ولا يفكر يوم ملگة بواهس الوادم يشم
بكل هدوء
اتزلزلت هاي السمه بصوت العتب
وفار دم التضحية بكلب المحب
وكلها فزت
من جديد
بصوت حرة
لو الف كوكب يصد صرخة حبيبة
هم جذب ماتنكتم...

#احمد_ابو_ماجن (هاشتاغ)       Ahmed_Abo_Magen#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل