هالشعب نامت عليه طابوگه

حذام الحداد

الحوار المتمدن-العدد: 6131 - 2019 / 1 / 31 - 21:52
المحور: الادب والفن
    

الوطن بالأمس چان جنّة عدن
دمرته احزاب من أهل الفتن
صاح الداد من كثر المحن
الشگ كبر والرگعه مفتوگه
والشعب...نامت عيله طابوگه


حراميه واجو عالبوگ متحزمين
وعصابه تسترت بعمامة الدين
وملالي صْبحَو من تالي سلاطين
كلهه تهافتت عالسلطه ملهوگه
والشعب ...نامت عليه طابوگه


السياسي من گبل حسره عليه دينار
صار اللغف عنده كله بالمليار
معيث بالدخل صايرلي سمسار
واحزابه سطت لجل تبوگه
والشعب ...نامت عليه طابوگه


آثار وحضارة تهدمت وي الصراع
وماي دجلة نشف ونهر الفرات انباع
واعداء الوطن دمرو نص الگاع
بنيانه مهدم والأرض محروگه
والشعب ...نامت عليه طابوگه


ياوسفه الوطن من صار خان چغان
الجنرال بأرضه يفتي فوگ الامريكان
ومن شماله مبتلي أبقصف اردوگان
حدوده تلاشت والسياده مسروگه
والشعب ...نامت عليه طابوگه

#حذام_الحداد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل