قصيدة رد للنائبة جميلة العبيدي

حذام الحداد

الحوار المتمدن-العدد: 5464 - 2017 / 3 / 18 - 01:58
المحور: الادب والفن
    

صارلنه دهر نسمع قرارات
من بُلـْدان وشْعوب وحكومات
ماصادفت فتوه من الفتاوات
غايتهه الخراب وهدم العايله
الاحوال صارت مايله

يانايبه طبقي ولاتخذلينه
نريدچ بالأول رجلچ تزوجينه
وانت بأيدچ لمريته تزفينه
كوني قدوتنه وصيري عادله
الاحوال صارت مايله

هنياله العراق بهيچ عقليّه
مثل هيلاري أنتِ وأحسن شويّه
قراراتچ صحيحه ميّه بالميّه
السجن المؤبّد للمره المتخاذله
الاحوال صارت مايله

شماله هالوطن وطن الحضارات
وضعه تردّه للأسف وأنترس عاهات
يوم صخره، ويوم گيزر، واقتراحات
خجلنه من أهل العقول الجاهله
الاحوال صارت مايله

بقرار من الحكومه المَرَهْ تنهان
والمخلص يفر براسه ويظل حيران
لو يرضخ لجل يحصّل الأمان
لو ينعدم من ورهْ الفتاوي الباطله
الاحوال صارت مايِله

تجارة نسوه صارت على المكشوف
بحجة عشرة ويّاهن بالمعروف
كل وحده بسعر والعايش يشوف
خلْفَ الله على الايام الراحله
الاحوال صارت مايله

#حذام_الحداد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل