تخاريف عام ومواطن

الشربيني المهندس

الحوار المتمدن-العدد: 6103 - 2019 / 1 / 3 - 15:08
المحور: الادب والفن
    

انتزع ورقة من الروزنامة ..
فغر فاهه .. غرة يناير ..
الشيطان كما قال كويلو: «ليس فى حاجة إلى كثير من الوقت ليعيث في المكان فسادا..»!
كان يحرص علي الاحتفاظ بالأوراق القديمة ..احتلت الدهشه ملامحه وهو يستعرض الأوراق تارة ويقلب قنوات التلفاز تارة وقد تسمّرت أصابعه علي الريموت كونترول ..
مين كويلو دا .. إنتبه .. فاصل مع ضحكة ذات مغزي ونستأنف الفيلم العربي (تخاريف مواطن) ..
قالت المذيعة قبل كل شيء، لازم تاخد بوسة من العفريت الجذّاب ، والضحكة كانت ساخنة ..
- طبعا بمناسبة مهرجان البوسة برعاية البيتزا هات .. هز قدميه .. عارفها السخنه ..
قالت الزوجة هي مين السخنة ياراجل .. دي بنت مفعوصة ومعصعصة .. ناشفه يعني ما تنفعكش ..
داست بأصابعها تغير القنوات .. عاجل .. أعلان النائب العام بوقف عرض مسرحية تخاريف جاء استجابة لنداء المجلس الجديد والسي دي اياها ..
هكذا رددت وسائل الإعلام والفضائيات العالمية الخبر. ونشرته الصحف المصرية ..
وأعلنت وزارة الداخلية القبض علي خلية إرهابيه نايمة قبل صلاة الفجر يوم 24 هاتور ..
عاجل .. رغم نجاح تشغيل القمر الصناعي الجديد ، إنتاج مشترك مع السودان لمراقبة سد النهضة ، وخــلافا لتوقعات مصلحة الأرصاد ، فقد ضرب المطر والسيول مناطق مصرية مختلفة بصورة مفزعة منذ أسبوع ، وأعلنت الأمم المتحدة أنها من المناطق المنكوبة ، وتم إقالة المحافظين والحكومة ، ومحاصـــرة ميدان سعد زغلول .. وتقع الآن البلاد تحت نظام المعونة الدولية بقيادة أمريكا وجزر القمر..
وأعلنت الدول العربية تعاطفها مع الحكومة والشعب ..
هذا وأصدرت منظمة الفئران والحيران بيانا عاجلا وذلك بعدم مسئوليتها ع اللي جري واللي كان ..
وصـــرح الخبير الفرنسي الشهير (سيبو ماسكو ليه) .. أنه لا توجد فئران فرنسيه بالمنطقه إياها ..
وفي بيان صحفي بالفم المليان قرر الدكتور مرجان أبو ضحكة جنان ، أن الخبير إياه راجل خرفان .. وصرح السفير الروسي (إمسكو بلا خوف) أن روسيا تساند بشدة الحكومة المصرية ، وتحذر من مؤمرات قطط الاتحاد الأوربي المبرمجة . وهنا أصاب الخرس القطط السمان المصرية مما أعطي للجرذان الحرية .. هذا وتحذر وزارة الصحة المؤقته من استغلال البعض للمعونات الدولية ودس فيروسات غريبة ..
كما يحذر القائم باعمال وزارة الخارجية من مؤامرة دولية ، بعد هـــروب الأسد واختفاء النمــر.. وجــاري الحصر لحديقة الحيوانات بالجيزة فقط ، حيث سبق إخلاء حديقة الاسكندرية من القرود .. أصدرت وزارة الأوقاف بيانا جامعا مانعا إلي أئمة المساجد ،بالدعاء بنصرة أبناء كاليفورنيا المشردين .
.. عاجل تم تغيير أرقام تليفونات مستقبلي خدمة العملاء في مصر طبقا لتعليمات الأخ الأكبر..
الأرقام القومية محفوظة وتم عمل الترتيبات اللازمة لضمان عدم لعب الفئران في الصدور بتوجيهات سيادية .. في اليوم التالي وكل شئ عادي في المعادي رن جرس التليفون ظهرا .
- ببيتزا هَت،pizza hut تحت أمرك ونشكركم على الطلب ..
بالمناسبة قرب ودنك .. عندي اللي يخللي العجوزة صبية، ويرجع فاروق الاتحادية، اشتري واحدة تاخد التانية هدية، واعمل تفويض يا نور عينيا، أخلي حياتك مهلبية.. منتجاتنا تجعل حياتك أكثر بياضا ..
ضحكة تخرق أذنه .. مكملين، فريق الزمالك قادم، الثورة مستمرة، بكره تشوف، من أجلك انت، خريطة المستقبل، بكره هتشوفوا العجب.. وممكن تديني رقم الكرديت كارد credit card لو سمحت .
الزبون: .. بكل سرور ..لحظة واحدة.. الرقم ..9684554910
الموظف .. حضرتك الأستاذ (معروف) وبتتصل من شارع عبد السلام عارف بسان استيفانو ..
ورقم تليفون المنزل0352963214 .. رقم المحمول 0122268411
بص ناحيتي كويس وبلاش تبربش بعنيك الوحشين .. (البيتزا هت) وش السعد علي الحلوين ..
تغيرت لهجة الزبون ، بدأت تميل إلي الهمس .. فتح أذنيه علي اتساعهما وخرجت كلماته ..
- عايز (بيتزا سي فوود) من فضلك ..
- ما أنصحش حضرتك .أنت عندك إرتفاع في ضغط الدم ،ونسبة الكوليسترول عالية، من بطاقتك الصحية
- الزبون : آه آه !!! كنت ناسي .. ونفسي مفتوحة من الدعاية .. طيب بتنصحني بإيه يابيه ..؟
- الموظف: بنصحك (ببيتزا المشروم) خفيفة الدسم ، وهتعجبك جدا.. هامسا إغلق الباب ..المدام اشترت الاسبوع الي فات كتاب من معرض الكتاب اسمه : ألذ المأكولات المشروم..
- الزبون : ايوه ايوه.. المدام عليها مفاجآت ..أوكي طيب هات واحـدة .. حجم عائلي والهدية حسب الإعلان
- الموظف: مع تحياتنا للست أم زكي ..أعتقد إنك لازم تطلب وحدة تانية .. لإن العيلة عندك 6 أفراد ..
الزبون : معلوماتك خطأ .. أسمها الست أم علي .. عموما اوكي .. وهو كذلك ..
الموظف : يا أفندم حضرتك ناسي أن علي هو إسم الدلع لبسلامته زكي .. بس كده المبلغ أصبح كبيرعليك. - الزبون .. بتقول البيتزا كبيرة عليك يا ريس ..
– الموظف .. يا استاذ إحنا بنسجل كلامنا .. وعاملين كنترول ع الصحافة .
المهم عندك مشكلة ، للأسف الشديد مش هتقدر تسدد بالفيزا visa ،لأنك مديون للبنك بثمن العجل من العيد الكبير ، غير القرض اللي اخدته من البنك للشقة الجديدة لأبنك ..
- الزبون: ياسيدي ما تدقش دا أنا لو وزنت الجنيهات المعدنية مقابل البيتزا حتخسروا سمعتكم ..
أنا موظف حكومة .. إنت عارف الدولة بتدعم البيتزا بتاعتكم بكام ..؟ تراجع بظهره قليلا يكتم ضحكته ..
- الموظف: إحنا ما بنتهددش .. إحنا معافين من الضرائب قانونا .. واللي يتعوج معانا نخطفه .. وعندنا مزارعنا ،يعني بنربي البهايم .. واخد بالك .. ونصيحة مني الجنيه بتاعكم دا عيان وبكرش ، إدفع بالدولار وحتشوف الفرق ..
صدقني مش هتقدر تغمض عينيك .. واخترقت الضحكة أذن الزبون .. طبعا من القلق .
- الزبون: ايييييه ، هو أنت معاك السي دي إياها ..
- الموظف لا أنا اتحداوي يا أفندم
- أه والله، طيب ابعت الولد وانا هديله كاش cash money
الموظف: حوالي 25 دقيقة ولو مش عاوز تستنى ، ممكن تيجي تستلم بعربيتك الصيني الجديدة ..
المدام كان نفسها في الكيا البيضا لكن ظروف البلد ،والمركز الذكي لاستخراج الرخص ،وتوقف الحركة العقارية .إديني ودنك ..بقي لك إسبوع مزوغ من مكتبك في الحي ، بعد ما سمعت بتحريات النائب العام ..
الزبون: بتقول ايه يا ابن .. والا ..؟؟؟؟؟
الموظف: عفوا يا أستاذ انتبه لكلامك ،وما تنساش أنا عندي جنسية أمريكاني وإن حضرتك عندك قضية التعدي يا سكلانس ، وسب ضابط مرور بألفاظ نابية بتاريخ .. أي خدمة تانية يا أستاذ . الزبون: لا لا سلامتك بس ما تنساش البيبسي كولا المجانية.
الموظف : آسف مش هقدر أبعت لحضرتك البيبسي المجانية ... واضح عندي انك مريض سكر .. قالت سيبك منه .. فاكر أيام خطوبتنا كان الجنيه الدهب بكام .. وكان الدهب عربي مش صيني ..
ابتسم ما كانش أيامها الشبكة دليفري يا هانم .. وأغلق التليفون .. يلعن ابوك ،وأبو البيتزا ،وابو الي جابك ..
قالت ليس بالخبز وحده يعيش الإنسان، إذ يمكن أن يعيش بالرز، أو بمنقوعه ..
قال العيش دا كان زمان .. البيتزا خلت العيشة جنان ..وأغلق التلفاز .. بلا جنان ..
وانت يا مكلبظة ، بلاش نكد وتفكرينا بالأيام الحلوة
واقفا .. قومي ياولية اعملي حاجة ناكلها

#الشربيني_المهندس (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل