حب جديد / حب كيميائي

عادل عياد

الحوار المتمدن-العدد: 5462 - 2017 / 3 / 16 - 20:22
المحور: الادب والفن
    

طل طيفها عليا
بمجرد ما مر الهوا بين أصابع القدر
وهزني بجنون
هزه انفجر فيها بركان التستستيرون
مع الأدرينالين
وانجذب اشتهائي بشغف
ونظراتنا ..
فضلت تلاحق بعضها
وتبوح في الخفا بالسر
أسطورة الراحه النفسيه
بقت واقع قدام عنيها
فاطمئن قلبها
فسلمت
واستسلمت
وفاح منها الأستروجين
وانتشر بقوه ..
شكِل ملحمة السعاده المغموره بالرغبه
بكل لهفه وانسجام
بين أجسادنا العطشانه
...
ضحكه واحده مش كفايه
دا كل الضحك اللي من القلب طالع
طالع بس ليها
وهرمون الحب اللي اتخلق جوايا
اتخلق بس ليها
أدمنت الحب مره واحده
وعشقتها
عشق الحالم للأمل
عشق الشمس للشروق
عشق الوجود للحياه
...
في غيابي
بينقصها حاجه كبيره
وفي غيابها
بينقصني نفسي ..
جنوني وانا بكلمها
واشركها في تفاصيلي البسيطه
جنون الطير بالسما ..
احتفظتْ هى بضمير الأنا جوايا
فبقيت لما اكلم نفسي
صوتها هو اللي يجاوبني
وهى أصلاً مش موجوده !!
...
قلبها الحنون
دايماً بيحرك فيا
الفرح
النشوه الأولى للشعور بالحب
شبع الروح
...
تناغم جمالها مع روحها
بيزرع جوايا السعاده
ويفرش قدامي جناين سكينه وهدوء
ويبني لعيني قصور من الأمل والإراده
...
صوتها في وجودي بيكون ملايكي
أسمعه فتروق خواطري
واتأمل قوة الإحساس باللمس
لما يوصل الأوكسيتوسين لقمة الاشتهاء
...
فضفضنا براحه
وهى بتتمايل جوا حضني بالراحه
إتنهدِت هى
واتنهدت انا
وكالعاده كانت أحلى لحظات اللقا
اشتريتلها ضحكه
ووعدتها
أقسم معاها الحياه
وكمان اشتريتلها ورده
لما بصتلها
لقيتها تشبهلها
إحساسها بالضعف الجميل
خلاني أجري واحضنها تاني
احتويها من العالم
...
صدقيني ..
حبك دايماً بيتجدد جوايا

#عادل_عياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل