تعال وشوفني.... شعبية

احمد ابو ماجن
شاعر وكاتب
(Ahmed Abo Magen)

الحوار المتمدن-العدد: 5239 - 2016 / 7 / 30 - 18:43
المحور: الادب والفن
    

تعال وشوفني
ولتكلي ماشوف
خضر بيه شيب
وظهري مكسور
ولاجني بعدني ابعز شبابي
اباوع للسمه ونظراتي تنباك
وعلى حس الوجع
يشهك مصابي
امشي ابلا كتر ومفزع اهموم
وتمشى ويالفرح لمة اصحابي
اربي الحسرة طفلة وتكبر بساع
واضيع وياها لو وكفت ابابي
ناطور المصايب كاعد اكعود
يمي وجنه ظل ،
ينعش سرابي
عليمن اعتب اعتاب المبعدين
وياهو اليسمع الصرخة بعتابي
عليمن انتجي
وبجتافي بسمار
وياهو الانتخيه ايكلي هيهات
ولاجنهم الي اعترفوا احبابي
واعاند بالمضه
وامشي بطريقين
لكيت الصول بس تاهت اجعابي
اشيلن فوك متني
احجار شمات
كطفوعن علي من مسمني طاريك
ولاواحد وكفلي واني تعبان
ولا حتى الكضاها بحضني رابي
يدججني الهوه
لو شهكته الروح
لانك قررت موتي وحسابي
يجيني الليل يركض
جنه مجنون
اضربه ومايرد
لاينفع وياه
ونين الروح والعلة وخضابي
صارتلي المخدة معاندة العين
ترفض تنسدحلي
بساعة النوم
تتوضة تريد بماي العيون
وتصليلي العمه
لو هيست ليل
ويكوم بجسمي يتيمم ترابي
واجر موال موتي ويختفي الصوت
احضن ذكرياتك لو اجس ضيج
وادري بغيضن متشبه السيوف
ويوذرن كل نفس
باقي استعز بي
يربي ارجوك مايخلص عذابي !!

#احمد_ابو_ماجن (هاشتاغ)       Ahmed_Abo_Magen#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل