خدران.... شعبية

احمد ابو ماجن
شاعر وكاتب
(Ahmed Abo Magen)

الحوار المتمدن-العدد: 5232 - 2016 / 7 / 23 - 15:04
المحور: الادب والفن
    

كلبي بلا خدر خدران
نسمة شوك طرتني بتوالي الهم
محد شلهب عيونه اعله جرف الروح
خاطر لو فزع مجروح
من عشيات يستسلم
ياصوغة حجي وملفوفة بالطعنات
لو طلعت على الشمات
تكضيهم كضي بلاصوت
حتى الصوت يتلعثم
أنه ريحة ورد وتفوح عالعشاك
الصخرة الي تشمني تذوب وتنسم
خشوم العاشكين اسيوف
تنهش روحي من تشتم
أنه حنطة وكفخني الريح
ذباني اعله درب طيور
عند الجوع تعمى عيون
والمنكار مايرحم
صبارة صفت روحي
وحضن لو رايد اتلكاه
من بزاتي مايسلم
جم مرة كلتلك كوم
خليني اعله جفك ناي
لو مسه جرح يعزف
جم مرة كلتلك شوف
لاتتركني ابدا يهواي
طير اني اعله روحك حالف يرفرف
كون تشوف
مو محظوظ
خاطر لو جرحني الضيج
كلها بلا كلافة تروف
مو محظوظ
خاطر لوبجيت ابغيض
تتنخاني دنيا وتبقى يمي اتطوف
حال الدنيا مو معروف
جم مرة كلتلك شوف
لجماتك تسر انظار
كل واحد كصدني يحوف
وشل عمري ماينباك
بس أنفاس فوك اشفايفي يطبعن
صارن بالحزن صرخات
ومن صديت عني وداعت طلعن
يكاتلني...

#احمد_ابو_ماجن (هاشتاغ)       Ahmed_Abo_Magen#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل