لوجودر.... شعبية

احمد ابو ماجن
شاعر وكاتب
(Ahmed Abo Magen)

الحوار المتمدن-العدد: 5235 - 2016 / 7 / 26 - 15:36
المحور: الادب والفن
    

لو چودر عليه الليل
احسب للمخدة احساب
اخلي احلامي بيد الله
وافك طاريك مثل الباب
بس ماحسبت بالحاجة الك ، تنسد
وارد مگموع
اطرز ليلي من عشيات
واتحنه بسواجي دموع
ظلن حايرات بخد
واكول تهون
واتچّى اعله حلمي المات
لمن فات عمري
اجدامي صارن خيط
گطعّهن درب مسدود
بس مجبور اتشدد
اهز كاروك صبري وارضعه اسنين
واناغيه بدمع ملهوف
بلچن لو كبر يغدي عليه ايچد
أوكل ذكرياتي أيام
موش أيام عادية واگول اتهون
أحس الوجعة موش إحساس
من سابع سمة لحد عتبة الشهكة
تجر بغصانها وفوك الثغر تنمد
انه حافر نبت بالگاع
تتخطاني جدم الناس ، رايح جاي
واليهتم چذب محد
مغناطيس صدري لكل سحابة ضيج
حتى الاعمى لو سدد سهم اعمى
مايخطه ابد وبصدري يتسدد
واكول تهون
وارجع شايل اعله چتافي هم الكون
واضحك مقتنع متناسي كل الصار
والماصار
يتنامه اعله چتف الماعرف بالخوف يتردد
اااه ياجرح الحچاية
شگد سامع سوالف ضيج
مرسومة اعله شفة واحد يكابلني
ينزف هم
شما گابلت المراية
وبصدره اشوفن ذكرة تلهب نار
لاترضة يمسها الطيف
ولاترضه بونس تبرد

#احمد_ابو_ماجن (هاشتاغ)       Ahmed_Abo_Magen#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل