جيل بدأ من القمة

احمد معن الزيادي

الحوار المتمدن-العدد: 5199 - 2016 / 6 / 20 - 02:30
المحور: الادب والفن
    

**جــيــل بــدأ مــن الــقــمــة**
إعداد-احمد معن الزيادي
في خضم البحث عن الملامح الحقيقية للجيل الحالي للشعراء –الذين تتراوح اعمارهم بين 20-25 زهرة- , عندما يكون الصدد هو مقارنته مع الاجيال السابقة فإن الشعرية لابد أن تكون هي الحكم في هذا المجال. الفراشات الشعرية التي تحمل راية هذه الحقبة رغم تعرضها لكل أنواع الدخان إلا أنها ما زالت تنتج شهداً طرياً لذيذاً, ليس هذا فقط أنما إستثمرت هذا الدخان أيما استثمار فجعلت منه نسيماً بارداً يلطّف ثنايا الروح. يمكنني القول , وبملء الفم , أن هذا الجيل يختلف عن جميع الاجيال السابقة (إستثنائي) من كل الجوانب والأصح أن نطلق عليه (الجيل الذي بدأ من القمة) لأن المؤرخين يعتبرون الجيل السبعيني في الشعر الشعبي هو القمة و هؤلاء الشباب قد إستلموا راية الشعر من الجيل السبعيني متجاوزين الجيلان الثمانيني والتسعيني ومبتعدين عن القصائد المطرزة بـ(الخاكي) مستندين الى إرث شعري كبير مكنهم من الولج الى عوالم الذات اللامتناهية والتعبير بصدق عما يجول في أفئدتهم متناسين الحطام الذي يحيط بهم ومزيني للحياة بأبهة آيات الجمال و الحب. رأت جريدة الحقيقة أن تخصص لهم صفحة (ثقافة شعبية) لهذا اليوم للأحتفاء بهم وبمنجزهم الابداعي الذي يستحق وبجدارة الوقوف عنده.
هذه شذرات لبعض شعراء هذا الجيل المميز ساهم النسيان واطلاعي القاصر ومتابعتي المحدودة في ظلمي لكثير من شعراء هذا الجيل الرائعين , لهم الحب .. واعتذر جداً.
********
...لا اني من المشة بيه الخدر شفة ونشف جرفة
ولا اني من الكتب أسمة اعله جف ولفة
سحيت من التراب تراب
وغفيت وي التراب عتاب
وبعيني الليالي تنام رزة وباب..
*احمد الصبحي
********
أسمع صوت كل ورقة وصخب طيحتها ع الكيعان
اسمع صوت كل كطرة عركَـ طاحت على القمصان..
أسمع ونّة الحيطان..
*حسين العوادي
*******
لا وطن تنساه وينساك وتموت
لا تعيش وما يرف كَلبك على ضحكة حبيبة
الغرفة ومراياتك وكلشي يدور
وحدك..تصفن مثل جثة قديمة ابين طبكَات الثلج
تشتعل جنك بخور...
*حسين النائب
******
دفو عيوني نوارس والشواطي ضنون للوهواس
لا شباج لا بوب بيه ومدري ليش أنجاس
الجم روحي أخاف الدفو تلوحة الناس
*فهاد التميمي
*******
جنت مايك
ليش نشفت الضنون
وليش خليت الكسر فرع بصوتي
براحتك
بس ليش يتمت العيون
*زين كريم
*******
حبيتك مراية وعين
وفززتك مشابكَـ حضن ماي وطين
*مصطفى الاميري
******
اتناوش خيالك ماي
واشد رمشك ضفيرة ليل
وامد الصفنة سجة غيم
يسحكها المطر جم ريل
*محمد مواش
*******
شحلاة الرزه من تصير بعيون اليتيه بالسچچ گمره
تاه بجفك شجم طير من راد الهوه يعثره
وانته شچم بلم حاچيك شالك سالفه بخصره
*احمد مهلي
******
كل بير اشتهاني وياه
وما ظل بيه مزنة حيل حتى اغفرلك ذنوبك..
بهت خلكَي وذبلت كل رسايلنة وبعدني اشتاكَـ
*محمد السيد عايد

****
خافن هيبة السفان تعثر من يمر الليل
و بجيسة برد بآخر محطة الظلت من أسمي
*سلوان عدنان
****
الغربة طير
عشها بأطراف الصور
الغربة من تخلص مطر
*حيدر ناظم
*******
غنيني , كَالوا بالغنة شباج ينفك للعرس
غنيني , ها بلكت تمر بس ليلة من ليلة أمس
*محمد القزاز
******
كالولي غريب ببين المرايات مر جرحك
وكالولي وطن والناس محد بيهم يشبهك
*عادل سامي
*******
واصيحك...
هاك اخذ وجهك من عيوني
واصيحك...
هاك اخذ كولك من ظنوني
*معمر العبساوي
*******
تجيني حمل متعوب
النهار الما حضاله براي
يحط عينه اعله كل غروب
الورده الما بصفهه تغازلوا عشاگ
يفز بيهه النده مرعوب ...
*احمد مولى
*******
كبل جيتك..
نشرت اعله السمة جروحي
عصاري...ونفحة البستان ومناطر يمر جنحك
كبل جيتك...ولو ما جيت
بس مستانس بحرحك
*ياسر اﻻبراهيمي.


(سواجي الشيب)
زين كريم-ميسان
جاا يمته يجيسك شوك؟؟؟
جاستني سواجي الشيب
ماظل ليل ماشفته...
وآدور عالصبح مبيوك
ظم وجه الشمس مكفاك
كلشي ابراسي ظل معلوك
يل ابطولك اسافر(شوووف)
تره اتناوشني عزرائيل
نسيني صلاة الخوف
اليبس بيه ينطرك ماي
ابنص زفة الهوه وداعيك حيل أزلوف
كلتني اسوالف ابلا صوت
عايفني ابدرب......يستاحشه المطروود
ماشايف وجه مبخوت
تعاااااال..وطشني هلهوله ابآذن عرسان
ظل يمشي الوجع بسكوت
كلشي اصياااح...
كلشي اصيااااح.....جيتك راي
سيرلي ابعذر مشكوك
شيسدهة الحلوك اهواااي
ادفعهة ابكصب..كل جلمه منهم نار
وأشوف الشيب من يشرب طواري اصباي
الصفنه ابعيني سوت غار
وين الكاك؟؟
وين الكاك؟؟؟؟؟
خطوات ابجدم سكران
وانا الحسره بيه اتطفي(سابع نار)
اليجهبني الصبح يلكاني عندي أغروب
اريدك ولو نية ثار
معضد ماي
*محمد الكرعاوي-كربلاء


خيعون المرايه الشاربه عيونك
الهوه شذراته ترجيه
تغازل زلفك بنجمه
العوافي اللونهه بلونك
وكمر متعوب
ضاع بشمرت اجفوفك
وكع يشرب فياي حبوب
دمع غركان من يصعد يكع حالوب
حچي القمصان
رجع واحس الحيطان
عين تغازل الشباچ عين تسكت البيبان
ضحكتك فجر لفت ليل كالتله تنحه لغاد
رسايل بيهن اتفس عطر جفك
تغني الدهله بخدودي
علواهسها يطك خنياب
شمس فحطانه
مصلوبه عالمرايات
حدهه لعتبة السرداب
ضفرت السجج لطيوفك
وجف كحله يدك باب الرمش بسكوت
يا طيفك بعيد هواي
خذتني الريح بگذلهه
رماد بخور ذبتني علفي الكاس
اذكر ضحكت الحنه
ورد ومسح دموع الياس
ضرف مخنوكه بيه حروف
تفز من نومهه وتصحه
بهلاهل من حجل ملهوف
معضد ماي يلصف لوحضن مجداف
جف ناطور يحلمله بجتف حواف
انطر جيتك ياماي
حذرتك وكتلك بالك تأمن بريل الماي
يمشي براي هاي الريح
ماعنده محطه ومدري وين اطيح
هالبت ساجيه اتجيبك
صعد بيه الرمل جتفين
انه مكابل تصاويرك
وسافر بيهن لزلفك
ورد اصحه بضوه حايل عله الشباج
ماصحله عرف بالناس بس خدك
وغنه دخان يندهني
عله وشالت تتن مرطوب
وحط جفه ويجف ريتي
ومشيت وياه
لفياي الضهاري الباگهن حطاب
والسندانه بعيون الورد سرداب
يريح الفرحة الطليع
لسه اتناك
يجمار المثل كلبي
شجنيت وياك
شفت جم مغربيه بشيشت الفانوس
ونته ولا تحن وتعود
ملحن من تفك صدره تلاكي كليبه شابك عود
هذا انه شبعد بيه
تفرفح روحي صم تراب
تاه بمكبرت غربه
فيْ الدم
*مهيمن علي-البصرة
وشالة ليل تندسني بحلم متعوب
وثگل حمول مد شوفه اعله طول الحيل..!
وغبشة گمرة ما غسلت عطشها بليل
ونشد غافي اعله ريج الصوت
ليش نموت.. ؟
اسبگ للهوى المر بيك
يهلبت تفطن زلوفك
ولا مطره التعتگ غاد
وثوب ترابنه يشمك
يرگاد الضوه بلا لون..!
طحت بگنطرة عميان
يا مبخوت اليلمك.. ؟
وتراجيك السمره اينغان الفانوس
ويطوفن گحل بعيوني
نث كل السمار البيك وسير يم وجه لوني
تسرسحت اعله شاطيك
لگيت العطش بيه التم.. "
وازت گاعي لسواجيك
واخضر حدر في الدم.. "
يطگ ياسك..!
واسيرلك سوالف شم.. "
لراگ طيوفك اشجم روج
يتحفه اعله شوف الطين
يعصرية نثايه ارسوم
وشموسك رمل لسنين
وحدر في الرموش يبات
جم طوير كحله وشوف…
توادعنه ولچمنه الشوف..
وعيونك وطن للشوف…

#احمد_معن_الزيادي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل