1/ دارميات عراقية شعبية......أبتوت الدلال....القلب

ذياب مهدي محسن

الحوار المتمدن-العدد: 1392 - 2005 / 12 / 7 - 07:55
المحور: الادب والفن
    

أستهلال
القلب في (الدارمي )العراقي كائن اسطوري معذب هو العنقاء في أحتراقها وتجددها ينبت كغرس لين فيحصده الفراق يسافر فيضيع في زحمة السفر ليبحث عنه العاشق بين القلوب الضائعة يثقب فيصبح(كالمنخل)يصدأ من الغبار يغامر فتثخنه الايام بالجراح ينخرق فيجتمع مزقا واشلاء مدماة يعاقب كالأخرين عندما يزيغ عن الصواب به يبدأ الحب ويزدهر ثم يخبو ويتلاشى والعاشق يخشى على هذا الكائن الجريح ان تذيبه حسرات الحب والحبيب المفارق فتنقطع (البتوت)التي تشده الى الجسد المهزول وعندما ينقطع آخر تلك العروق يكون العاشق قد أشرف على نهايته ولكنه يرفض الموت لا ثمة بصيصا من أمل بلقاء على الارض وان هناك من يحب ان يعيش من أجلهم .......وهو يخشى على قلبه لأن طفلة(كروضة)تلهو به ولا تعرف مقدار عذابه
*****************
لا ينكطع وابلاك روحي بفرد بت
داريهه بالمعروف ما تحمل العت
*******
بت باجي بالدلال واتعكز عليه
لاينكطع وبلاك يالحادي رد ليه
*******
الكلب بي بتين كلش رهيفات
جذهن سنا الحسرات أنكطعن ومات
*******
بت واثنعش يحسين هاليجرونه
هم تظن يرجع عود من يكطعونه
*******
بت بعد بالدلال واهي من الاشواك......الاشواق
عايزله حدوة عيس لو طاري افراك......فراق
*******
جاهل لزم سباح كلبي ويعت بيه
يبجي امن اصيح عليه يكطعه من اخليه
*******
زين انت لك بالروح بت لاجن آنه
نص بت بعد يهواي زالف مجانه
*******
بت بعد بالدلال لو شعره لو دون
عت بعد مابياش وليعت مجنون
*******
بت بعد بالدلال ومشكل بسيم
مثل أم ولد غركان بس تذكر تهيم
*******
الكلب جم بت بيه يلعدكم أكلوب
شوكلبي بس بتين خافنه معيوب
*******
بت بعد بالدلال ويزامط ابتوت
يلتف على الدلال لو شافك أتفوت......لو شامت يفوت
*******
عندك عوض البتوت كلبي من أداعيك
أتكطعن تكطيع من ونتي عليك
*******
بالكلب بس بتين وانكطعن وضاع
بت من نووا يمشون وبت يوم الوداع
*******
بت بعد بالدلال هذا اتله البتوت
روحي الهه ملكه وياك ماتفعل أتموت.......روحي اشتهت ملكاك
ماتفعل اتموت
*******
بت بعد بالدلال بت لاجن اشبت
الياكل أشمدريه اليثرد اثبت
*******
بت بعد بالدلال واتعالج وياه
كلفنه(وضحه)عليه تلحج بكاياه
*******
بت بعد بالدلال وشلون اباريه
رخيله ومشي وياه بس لا تعت بيه
*******
بت بعد بالدلال وملاحم النار
كلسا يوج واطفيه تحت الخطر صار
*******
بت بعد بالدلال ومأسره بيدي
وصوت أهد يمناي ياروحي هيدي
*******
بت بعد بالدلال والحب يمت بيه
هم خوه هم أنصاف تجفي وتخليه
*******
بت بعد بالدلال ناحل وعت بيه
لا ينكطع وبلاك يلحادي ردليه
*******
بت بعد بالدلال ومسلمه بيدج
يمته تهجع وتنام روحي التريدج
*******
سلمتك الدلال وبتوته كلهن
ظلت بكيفك عاد تكطع تشدهن
*******
بالك تحب يذياب والعشك يبليك.....؟؟؟
يذبك طريح فراش مثلي ويخليك ........مجنون

#ذياب_مهدي_محسن (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل