يالجنتوا مثلنه اسنين متغربين

عباس طريم
كاتب - وشاعر
(Abbas Trim)

الحوار المتمدن-العدد: 5089 - 2016 / 2 / 29 - 01:06
المحور: الادب والفن
    

_يلجنتوا مثلنه , اسنين متغربين
________________________________
عباس طريم
_


يلجنتوا مثلنه , اسنين متغربين
تعبانيين , جوعانيين
ومفلسين
+
ركاظ امن الصبح , لمن يصير الليل
واترجعون من كثر التعب
خاوين
+
نار الظيم , خلتكم تركتوا الدار
والكل احتظنكم , لان
مظلومين
+
وصار الكم شعار , العدل بين الناس
وجنتوا بهالشعار , وغيره
متحزمين
+
وعاهدتوا الشعب , بعد التعب يرتاح
وكلتوله انتظر , اهل العدل
اتين
+
جنتوا اضعاف حال , المشتكى ل اللهّ!
ايمان ورجوله وغيره
مليانين
+
رويتبكم فقط , للبيض والخبزات
وتأمين الشكر , والجاي بي
وطحين
+
بالحفلات جنتوا اسباع , ولد اسباع
متخلون كطره ابوسط
المواعين
+
+
والاكل المفضل جان , بيض وجاي
والمحروك اصبعه الصبح
لو ناسين؟
+
تذكرون الهريسه , والهجوم الصار
من غزوة احد , جنكم
ممتعشين؟
+
محيسن , بيسكل عده , بلايه ابريك
وكل ساعه اوكع بالجيحه
وسط الطين
+
وارويضي مشي , امخلصهه رايح جاي
وايغني , البخت ياناس اجيبه
امنين
+
ومزيعل , ايجيبه الباص , ويرد بيه
حافي , ويشتري الجاي وشكر
بالدين
+
جنتوا من الظلم ! تشكون ومن العوز
وابحال العيال , وامره
محتارين
+
هسه الله ! فتحهه , وصرتوا الحكام
جا وين العدل , وين الشرع
والدين؟
+
فرغتوا الخزينه , وشلتوا كل المال
وديتوه , الندن والمجر
والصين
+
وصار اريوكم , تكه ولحم تشريب
واكلكم صار , بالمعلقه
وبالسكين
+
عوايلكم ارتاحت , تصرف ابهالمال
وصرتوا ابخير هذا البلد
متنعمين
+
العراق اصبح فقير, وانتو اغنه الناس
واصبح كل عراقي ابهالبلد
مسكين
+
دمرتوا الوطن , من كل نواحي البيه
وخليتونه بس نشتم هوه
وعدلين
+
وازداد الفقر , والباطل اسمه انهاب
من كظ ركبة الحك , كصهه
بالسجين
+
والرشوه اصبحت بالبلد , واقع حال
واتشتت شمل كل
العراقيين
+
ايتام وارامل , للسماء اتصيح
تدعي ,ابحركه واليسمع ايكول
امين
+
متخافون ربكم ! بكتوا هاي الناس
وخليتوا الوطن محصور, بين
البين
+
من يكتب , شراح ايسطر التاريخ
وانتم كل فعلكم للشعب
موزين
+
وين اوعودكم , وين الحجي المعسول
وين اعهودكم , والعهد للحر
دين
+
وين الدين , وين العدل والانصاف
هذه الوطن مطعون ابالف
سجين
+
هج الشعب , وابلاد الكفر حظنوه
ولان عدهم عدل , صاروله
خد وعين
+
من ياطينه انتم , ايها السادات
ما شفنه مثلكم هيجي
لغافين
+
ما يسلم الظالم ! والله ! بالمرصاد
واحنه اشهود ضدكم , للابد
باقين
+
حليم الله ! , وانطاكم مجال اهواي
وعقاب الله ممكن , ما يكون
الحين
+
احنه اسلام نؤمن بالله ! والقران
والقران كال الحكم
عين ابعين
+
عباس طريم

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل