مشتاق لك – شعر شعبي عراقي

جاسم المعموري

الحوار المتمدن-العدد: 5029 - 2015 / 12 / 30 - 11:48
المحور: الادب والفن
    

مشتاك الك مشتاك, بسك حبيبي فراك
مشتاك هز روحي الحنين ,
وقلبي ما يهدأ أنينه ,
ولا تعب منه الأنين,
وحسرتي مكسره بصدري
سنين , وسنين , وسنين
وانطفت شمعة شبابي,
ومثل أوراك الشجر فصل الخريف
صوفرت اوراك عمري,
الا رسمك ينبض بذيك الاوراك
مشتاق الك مشتاق , بسك حبيبي فراق
حيل حبيتك ولك صدقني حيل
وعلى فراقك مكدر اصبر
والدمع بعيوني سيل
وهم انام الليل ؟
لا والله مانامك ياليل
انت تدري شكد احبك,
وانت تدري كليبي عندك,
وانت تدري بغربتي انت عراقي
وانت تدري الدنيا ظلمه بلايه شوفك ياعراك
مشتاك الك مشتاك , بسك حبيبي فراك
حيل حبيتك واحبك
والعشق بجفوني كحله
بكلبي نار بروحي شعله
حيلي ..؟ تسألني عل حيلي ؟
حيلي .. ماظل بيه حيل
ونار عشقك تلهب وكلبي حطب
وفراكك حبيبي جمر حرَاك
مشتاك الك مشتاق , بسك حبيبي فراك
كلي شعجب كلبك جلد, بيـَن حبيبي اسبابك
ماكلفت نفسك تجي , وما همتك احبابك
شوكي الك ماينوصف , دمرني حبك ياترف
ولو ما تصدك هل حلف , اسال عليه اصحابك
ضاكت الدنيا الوسيعه , وضاك بيه الوكت ضاك
مشتاك الك مشتاك , بسك حبيبي فراك
بسك هجر لأحبابك
وارجع حبيبي وشوفني
دمرني والله غيابك
ماهزتك ذكرى العشق
والشوق .. مادق بابك ؟
موش احنا علمنا العشك معنى العشك ؟
موش احنا عشاك ؟
مشتاك الك مشتاك , بسك حبيبي فراك
جاسم المعموري
29-12-2015

#جاسم_المعموري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل