خاف نرحل

عبد الله السكوتي

الحوار المتمدن-العدد: 4942 - 2015 / 10 / 1 - 19:23
المحور: الادب والفن
    

خاف نرحل
محمد الذهبي
خاف نرحل
خاف يلحكنه وطنّه
اهناك ياخذ كلشي منّه
خاف نرحل
ونترك ابغداد جنّه
خاف نرحل مانرد فد يوم
لديار البعيده
ومانشوف اعيون اهلنه
خاف نرحل
خاف نتندم اهناك
وياوطن مابيه ونّه
خاف نرحل خاف نرحل خاف نرحل
ونندفن بتراب غربه
وماتهيل ترابنه اجفوف المحنّه
اهناك بس الليل ذيب
كافي بس الليل ذيب
وياخذ الضحكات من اعيونه ويدفن املنهْ
خاف نرحل خاف يلحكنه وطنّه
اهناك ابد منشوف ضيم
وابد منشوف المحنّه
اشلون من تطلع نجوم الليل وتذكرنه بيهم
اشلون من نذكر حجيهم
شلون لوبردت الدنيه
ولادفو يحضن حضنّهْ
خاف نرحل ... خاف يلحكنه وطنّهْ
يذب علينه انجوم سهرانه
تناغينه ابحزنّهْ
ياوطن لا ما احبك ما اكرهك
مدري شنهي انته اذا صارت اغروب
تنبع بروحي قصيدة وما اتوب
وارجع اترجه الصبح والليل ثوب
مدري ياهو الصاح بسمي
جنّه صوت امي يصيح ويه الدروب
ارجع وباجر تصير الدنيه كمره
ارجع آنه اوياك خل ندفن جوازات السفر
ونحلم آنه وياك جنّه انعيش جنّهْ

#عبد_الله_السكوتي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات