كذّاب يا أمل بُكرا

مريم الحسن

الحوار المتمدن-العدد: 4895 - 2015 / 8 / 13 - 23:37
المحور: الادب والفن
    

و بعدنا بنقول بكرا
و بنكذّب على حالنا بالفكرة
بلكي مركب البكرا
على شي حلم بودينا

على حلم حلمناه مبارح
و بعدو بعتم الأمل سارح
ضايع و بكل المطارح
لحقناه و ما كان يلاقينا

و بعدنا بنقول بكرا
مع إنو الحلم صار ذكرى
غافي متل حكاية على سطرا
مغطى بغبرة الأيام
و مدفون بعمق أمانينا

مدفون متل سِر ما بيومنا حكيناه
مشَرّش بالعمر متل جذر و سقيناه
من بير أمل ما بيوم صَدقت نواياه
بنصدقو و نحن كذبتو عارفينا

كذّاب أنت يمكن يا أمل؟
بتبيعنا الكذب كل ما بتنسأل؟
عن بكرا اللي مخبي الفشل
و عن حلمنا اللي تاه منا و نِسِينا؟

كذّاب انت أكيد يا أمل
مش يأس لكن واقعك بيحمل جدل
قشة إنت و تعلق فيها الغريق
صديق اللي ما بقيلو و لا صديق
كذبة و قبلناها من الحياة بلا زعل
بتكذب علينا و بنصدقك تضلك أمل
يصحى عليه بُكرنا من غفيتو و يفيق
بِيَوم احتمال كبير يكون لمبارح رفيق
و متل مبارح ناطر مركب البُكرا
يوَدِّيه على حلم ما صار بعد ذكرى
علقان بذات المكان و بذات الفكرة
ناطر الوهم يغطي بكذبتو الحسرة
كذبة انتَ يا أمل و الحق ما منو زعل
وهم و عم يكذب علينا انو بكرا في أمل

#مريم_الحسن (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل