هوهو بكفي عاد المرأه والمرأه

جان نصار

الحوار المتمدن-العدد: 4742 - 2015 / 3 / 8 - 14:06
المحور: كتابات ساخرة
    

عن جد اشي مزعج صارلنا اكثر من اسبوع وكل الكتاب والمثقفين والكاتبات وهات من عندك هات على يوم المراه العالمي وعيد المرأه وحقوق المرأه ومشاكل المرأه واحاسيسها وعوطفها ومتطلبتها ورغباتها وقضاياها ومشاكلها ودراستها ووظيفتها وقمعها واهانتها ودونيتها ويمكن اضل للصبح وانا اكتب صفات ومواصفات واهات وتنهيدات وتظلمات للمرأه.
شو يعني خلص نترك اشغالنا واعمالنا وقضايانا ولا شغله ولا عملي غير النص التاني من المجتمع اللي هو المرأه.والمفروض فيي ادافع عن المرأه بكل المناسبات بالليل والنهار وبالصيف والشتا طب انا يا هالرجل مين اللي بدو يدافع عني وعن حقوقي. 30 سنه واكثر زواج مؤبد ومش قادر اتزوج مره تاني. قال ليش لانه جواز كاثوليكي .اي حلي عني وروحي لابوكي.بالصبح بتصبح فيها وبالليل متمسى فيها وعلى الفطور والغدا والعشا نفس الوجه اكيد اشي بزهق الي والها.
وفوق كل هاد وهاد جابتلي الامراض كلها الضغط والقلب والسكري والنقرس والكولسترول والكلى والكبد وهات الدفتر لاقولك شو بعد فيي امراض.
بس يا حضرة الكاتب العفو منك على هالمقاطعه الامراض هاي من عوامل الزمن والشيخوخة وعدم اهتمامك بالرياضه وبصحتك وخمخمتك بالاكل.
لا يا عزيزي القراء او القارئه (على اساس المساواه هو وهي)هي السبب المرأه السبب.
يا اخي شو خصها بالامراض خاف ربك وراعي ضميرك يا كاتب.
والله يا عزيزي القارئ لو ما جنابها حوا ما اغرت ابونا ادم بهالتفاحه كان الله ما غضب على الانسان وطردوا من الجنه وصار في شيخوخه وامراض وموت كان عشنا الحياه الابديه بسعاده بس حضرتها من بين كل الفوكهه اختارت التفاح وتعال اسألها اليوم ولا بتيقو ولا بتحبو للتفاح بدها كوي وستروبري ومانجا.من يوم يومها حوا بتحب المجاكره والمعاندي والنكايه .
معليش يا حضرة الكاتب كمان مقاطعه: ليس سيدنا ادم كان خرؤو ومايص وما الو شخصيه ما كان بقدر يقولها لاء واقعدي يا هند عفوا حوا والا بكسر راسك وين كانت ذكوريته وقبضنتو وعضلاته وشخصيتو .. بالمختصر هو كمان مشارك بالخطيئه...يعني كانت في الجنه كلمة المرا المسموعه وهي الامر والناهي لاسبوع واليوم انقلبت الايه وصار الرجل الامر الناهي القامع اشي مش معقول يا كاتب ,
طب ليش يا كاتب ,هاي ازدواج بالشخصيه هدا اول هام.
تاني هام على حساب يا كاتب احنا منعرف عنك انك تقدمي ويساري وملحد وما بتؤمن بالخرفات والاساطير الدينيه وفلقتنا وانت تكتب عن هالقضايا وتغيب العقل وتحجبه والابتعاد عن العلم والمنطق و و و.
شوف عزيزي القارئ كل اللي قلته مزبوط بالفعل انا رافض للاساطير والخرافات كلها من اولها لاخرها ومع العلم والوعي والمنطق الا هاي القصه مؤمن فيها لابعد الحدود التفاحه وحوا وادم.
والله يا كاتب انت انتهازي ومراوغ وتقلب الموازين لصالحك هلئ مشان تقمع المرأه صرت تعرف الدين.
عزيزي القارئ انا سياسة مكفيلي الغايه تبرر الوسيله هي شعاري واذا كانت بتخدمني شو المانع وبعدين كل الكتب السماويه كان الها ملاحظات وارشادات على التعامل مع النسوان ليش ما استغل شماعة الاديان لمصلحتي مش احنا قوامون على النساء.
والله يا كاتب ساعه بتصير مسيحي وساعه مسلم وساعه ملحد المهم انك تلاقي طريقه تعلن فيها ذكوريتك وقمعك للنسوان الله لا يباركلك.المهم هات من الاخر ليش جنابك حاقد على النسوان وشو اللي بدك اياه.
يا اخي انا مش حاقد على النسوان انا حاقد على نفسي من النسوان واللي بسمع كلامهم ثم انا المتضرر هون معقول اني اليوم ومشان عيد النسوان انو مرتي وبنتي وحماتها يرحو رحله شمة هوا وانا بالدار لحالي مع ورقه مكتوبه هاي عندك المطبخ قدامك وطناجر البايركس والتفال موجودي واطبخ لحالك.يا زلمي صرت خبير بالطناجر وقلي البيض وتحضير سندوشات النواشف الجبني واللبني والمرتديلا.
طب فهمنا الاكل وبلاها امتى كانت النسوان تروح رحلات شمة هوا لحالها والرجال قاعدين بالبيت .اكتيري هاي والله.
باين عليك يا كاتب منفتح وعصري وحداثي ومودرن والنسوان عندك لهم كامل الحقوق ومطلق الحريه.
ما هو يا قارئ عشان هيك انا خلف خلاف كل اللي بكتبوا عن حقوق المرأه .الله وكيلك اعطينها الاصبع اخدت الايد وصاحب الايد تحت اباطها.
انا كمان بطالب بمساواة الرجل مع الامرأه في حالتي.. انا بحارب المتشددين والاصولين والمتزمتين والسلفين والارهابين مشاني ومشان المرأه ومعاملتها وازدرائها وبالاخر بتطلعي واحدي من داخل النقاب وبتقلي روح انطز وانطس وانكب واحد علماني ملحد حقير.
اذا كان في بالملاين هيك نسوان مبسوطه على جلدها واحتقارها شو بكدر(بقدر)اسوي انا لحالي .على حساب ايد وحدي ما بزقفش ليش ما تناضل معي المرأه .
ختاما من سياسة اللي بضرب الكف وبعدل الطاقيه.
هذا المقال ساخر وبه بعض المواعظ لكيفية تسخير الرجل للقضايا الدينيه وتنصله عن كل ممارسته القمعيه تجاه المرأه تحت ستار الدين. وهو ليس ضد المرأه كما يبدو للوهله الاولى لاني نصير للمرأه وحبيب نسوان.
ان حقوق المرأه ومساواتها ليست منه من الرجل لها.
اتمنى لجميع النساء كل يوم من ايام السنه ان يكون عيدهم وكل عام ونساء الارض الشريك والنصف الاخر بالف صحه وعافيه.
ملاحظه هامه للنسوان.تستطيع كل امرأه تعاني من القهر والقمع ومش قادره تسب وتلعن قاهرها وجالدها وقامعها الرجل ان تلعنني وتسبني وهيك بتفرغ شوية احتقان وشحنة غضب ومحسوبكم بستحمل.
الى شريكة عمري والله انا من غيرك ما بسوى بصلي يا تاج راسي.
هاي الجملي الاخيري مداهني مشان على القليلي بكره تطبخلنا اكله طيبه يعني مصلحه.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل