ليله ميلاديه

جان نصار

الحوار المتمدن-العدد: 4671 - 2014 / 12 / 24 - 13:59
المحور: كتابات ساخرة
    

اليوم مساء سنحتفل بليله من عاده احضرتها زوجتي معها منذ قدومها منذ اكثر من 30 عاما.زوجتي اجنبيه سلوفاكيه احضرتها معي منذ سنوات الاشتراكيه لنتحول معا الى الرأسماليه(راح نحرق دمكم)
لاننا كعائله كنا نحتفل بيوم العيد الا وهو ال 25 من الشهر وهاي ليلة ال 24 ما كانت مهمي كتير لكنها تحولت الى اهم يوم لدى عائلتنا الا وهي عائلة زيزي.
شجرة الميلاد لازم تكون ملوني بالوانها المفرحه واحنا ما منتبع دار ازياء فيرساشي مشان نعرف شو الوان السنه.لانه للعلم فقط الزينه اليوم صارت بزننس .في عائلات بتتبع هاي الدور وملابس عفوا زينة الشجره كل عام الها الوان مختلفي...يعني حتى زينة الشجره صارت ديسبوزبل استعمال مره واحده.(شو بطرانين هالمسيحيه)
يعني هاي المرا عملتلنا عجقه وخفقه وسسبنس واثاره على مرح فوق العاده .يا جماعه من وين هاي الطاقه انا مش عارف لاني باعترف اني ملك التنابل وباستنى(انتظر)كل التجهيزات وزي الباشا اتفضل بابا السفره جاهزه والشجره منتصبة القامه بس ما بتمشي وتحتها مجموعه من الهدايا يبدء توزيعها بعد اللهط والشفط وشرب كاس على صحة كل الناس. يعني بعد العشاء الملوكي الذي يبدء بتمام الساعه السادسه حسب توقيت الغنيج عفوا غرينش بالضبط بعد تجميع كل افراد الاسره واسرة عائلة زوج ابنتى الكبرى.
رغم امتناني لمجهودات ونضالات زوجتي في معاركها الطبخيه ومحاولات غير جاده لحثها على تهدئة الاجواء والابتعاد عن المطبخ ولكن لاحياة لمن تنادي . على فكره ما بشد كتير لانه كل ما زادت ساعات المكوث والبقاء في المطبخ فراح يكون كتير من الابداعات عفوا اصناف الطعام وزي ما انتو عارفين احنا العرب اهم شئ عندنا هو بطوننا ولهيك انحسرت وابتعت عنا كل الابداعات والانجازات والعلوم والاختراعات ومع هيك مش سألين لانه الامبرياليه والصهيونيه بحاولوا التشويش على هاي النجاحات اللي احنا منحققها.
حلويات وبسكوت 22نوع رجالي و32نوع ستاتي مع 42 نوع ولادي مشكل . في هذا الاسبوع وكالعاده ترتفع نسبة السكر بالدم مع هبات من الضغط المرتفع على ارتفاع في معدل الكولسترول وهبوط في عمل القلب يتطلب تدخل كحولي لاعادة التشويشات الصحيه الى مسارها الطبيعي.
في السنوات الماضيه كنا نضحك على الاولاد ونقولهم انو ابو مناويل عفوا بابا نويل هو اللي بجيب الهدايا ولهيك كانوا ابنائنا وان من قبلهم احنا في الصغر نحلم بالاخ بابا نويل ونطلب منو الهدايا( كانت ايام جميله). اليوم الابناء كبروا وفهموا الملعوب انو بابا نويل هاي الشخصيه الاسطوره ما هي حقيقيه ولهيك البابا والماما همي اللي نا ويل الهدايا.
العشا راح يكون بالسادسه تفضلوا يا جماعه اهلا وسهلا الجميع معزومين.(بعزم حبايبي القراء لاني عارف انكم مش راح تيجو بس فشخره وعترهو لانو بصراحه لو ماني متاكد من كلامي اكيد ما راح اكون ابو الكرم واعزمكو شو انا جان حاتم الطائي.)
الطعام راح يكون في شوربه وسمك سالمون واكيد لحم خنزير(سبو واشتموا والعنوا اد ما بدكم أي دونت كير) ودجاج وما في عنا ديك رومي( وي دونت لايك ات)
وبما اني كافر وزلمتنا المسيح اجاز واباح وسمح لنا بقليلا من الخمر لانه يفرح وينعنش ويففش وينشنش وينغنج قلب الانسان راح اشرب كاس بصحة كل الناس ولو انو غير مسموح لي صحيحا ومع هيك راح اشرب لحداحوش.
سيبدء توزيع الهدايا مباشرة بعد العشاء ما بين السابعه والثامنه يتخلل التوزيع بعض المفرقعات شغل الصين هاي الملوني الاحمر والاخضر والازرق والاصفر على اساس كب مصاري على الفاضي.
يا ترى شو راح يجيني هدايا ؟
صدقوني ما طلبت واتمنت كتير بس سياره مرسيدس ورحله على الكاربين يمكن تكون هاي مفاجائة زوجتي الي هذ العام, هادا اذا ما نمنا على الدرج وطحتني برات دار.
اعزائي وحبايبي القراء الافاضل والمحتفلين الاكارم واللي معنا واللي ضدنا واللي بحبنا واللي بكرهنا صدقوني بحبكم كتير لاني قبل كل شئ انسان احب الجميع حتى الاخر المختلف وما في بيناتنا اختلاف الا في اذوقنا فى الاكل والشرب وغير هيك انا مش شايف .
هذا المقال كان فقط لحضور البسمه على الوشوش والوجوه طبعا للي بدو ورشة فرح واللي ما بدو اكيد ما قراء مقالي الغير جاد والملتزم
اتمنى للجميع اعياد مباركه وسنة خير قادمه وسلامه وصحه وسعاده.
حاولت قدر المستطاع ان اكون جاد وحاد وملتزم واجنح اكثر الى الانشاء والجمل الرخيمه ذات المعنى والقيمه والديباجات لكن مع الاسف بكره الكلمات المنمقه والمصتنعه ويقولو عني شو ما يقولو.
يخرب بيتكوم شو كتير كتير حبيتكوم مع تحيات جان دوت .كومكم.

#جان_نصار (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل