من شو بتشتكي المرحبا والهاي والباي

جان نصار

الحوار المتمدن-العدد: 4575 - 2014 / 9 / 15 - 17:56
المحور: كتابات ساخرة
    

بصراحه يا جماعه انا من مده مش عارف عن شو اكتب خصوصا وان معظم كتاباتي ساخره والبعض بقولي طب بهيك اوضاع لساتك ساخر.. وانا بجيب انو هاي الاوضاع هي قمة السخريه واكيد لازم واحد مثلي يكتب عنها.
اخبار داعش تصدت العناوين والارهاب صار على الابواب وقال الكل مستغرب كيف وصلنا لهاي الحالي..من يوم ما بلشت الاحزاب والدين يتسيسو وتجرد الانسان من انسانيتو وصار يا احنا يا انتو وعدم تقبل الاخر ابتدى المشوار.
صارت كلمة مرحبا وكانها مسبي وشتمي واستبدلت بالسلام عليكم وهاي وباي وأي وواي رجس من اعمال الشيطان.حتى التلفون اذا اتصلت باي محل بخطر على بالك صيدليه مستشفى مدرسه بقالي مول ادوات منزليه اطفائيه جارك وحتى مرتك بجيك الجواب من الطرف المقابل السلام عليكم يعني كمان كلمة الو الغوها.
مرتي اجنبيه انعدت وصارت تقولي السلام عليكم يا اخ جان .
اذا بالصدفه دخلت محل وقلت مرحبا بقيسوك من فوق لتحت وبعرفوا انك مختلف او يمكن اجنبي مش عربي مسلم بالمختضر مسيحي كافر .
لازم تقول يا اخ مجاهد.رفيقي صديقي صاحبي حبيبي قريبي كلها كلمات الغيت من القاموس.
طب احنا الاقليه المسيحيه مثلا شو محلنا من الاعراب في اوطننا .تصروا حتى انا الكاتب ال المثقف اقتنعت باننا اقليه مهو موخي انغسل وما بقى فيه ولا لحسي.
مع العلم انو المسيحيه اقدم من الاسلام يعني تاريخيا واليهوديه لسه اقدم واقدم يعني يا عبدالله خلف ابو بدر الراوي احنا اصحاب الارض الشرعين والبقيه جاين محتلين وانك كل يوم تعزفلي معزوفة ان الاسلام محترم الاديان والمسيحين بدليل وجودهم في مصر مثلا او بلاد الشام وكانكم مفضلين علينا . يا حماعه احنا بهاي البلاد من قبل ما يحي قطار الاسلام باكتر من 5او 6 قرون ومن قبل ما يخترعوا الراديو بساعه.
على فكره بس للتوضيح انا اصلا لا افاضل بين الاديان لاني احترم قناعات الانسان شو ما كان.
وشغله كتير مهمه مين فينا اختار دينو .لو ابوي ما اتجوز امي وجابوني وصرت بالاسم مسيحي مثل ابو صاحبي احمد تجوز امه وجابوه وهيك هو صار مسلم وجنابي مسيحي شو فرقت الاسم يعني طز يا لاللي .
اسمي بصراحه عاملي مشاكل تصورا جان ياي شو سوفاج بالعربي ويحك او تبا لك . وبس اذكر اسمي لواحد مش معرفي رغم استظرافوا الي في البدايه بتلقي بتكهرب وكانوا لطتو لطشتو صعقه كهربائيه 2532 واط.
يعني انت مسيحي. وانا بوقف بقولو: اه يا اخوي صدقني هاي اخر مره ,المره الجاي بغير اسمي واذا بدك بصير مسلم مش فارقه كتير معاي المهم اضل انسان.
وهات يا اسئله عن اسمي وشجرة العيلي لتصل انو جذوري من بقايا الحروب الصلبيه وممكن اخونا يرفع علي الحد واذا في امكانيه يا اغير ديني او ادفعلو الخاوى عفوا الجزيه.

قلتلي اسمك جان: ليش هاي حساسيه او عدوي او وراثي جيني . ممكن تقولي ليش سموك بهادا الاسم .
ومحسوبكم بجاوب :والله يا خوي حيواني وقلة حياه وانعدام ضمير واذا مش عاجبك الاسم بغيرو خلي مرجان.وبعدين هاي الاتراك بسمو جان لوحدو وبعدين محمد جان وعند ك جان بولات هاي الاسماء مش من عندي صدقني من مسلسلاتهم الله وكيلك واظن ان الاتراك مسلمين والا انا غلطان.
ممكن ان القارئ يضحك ويقول معقول...يا عمي معقول ونص وخمسي هاي الدبح والسلخ للاقليات في سوريا والعراق بس لانهم نصارى وحاملين حرف النون لسه انا بالف خير ونعمي.
من البدايه لما كان الخطاب الديني في الجوامع ربنا يتم اطفالهم ورمل نسائهم و و و.والمناهج التعليمه تتحدث عن الانتصارات والفتوحات وغسل الادمغه بخير امة انزلت للناس والغنائم والسبي والاغتصاب للاغيار كل ذلك كان تراكمات لما الت عليه الاوضاع الان.
التسامح الديني شعار خالي من المحتوى منتهي الصلاحيه منذ اول استعماله.
يا سلام على اللي بصيربالموصلات العامه. اذا ركبت وحدي مش محجبه. الباص مثلا من الشوفير (السايك,السائق) للركاب استغفر الله العظيم ولا حوله ولا قوة الا بالله تسميع كلام وتحرش وعدم احترام وممكن هدايه بالتحجب .ومع هيك الشوفير المؤمن بصبصه وتمتمه وبينوا وبين نفسوا بغني اغنية وائل كفوري :حرام عليكي شو عملتي فيي... متل الورق طيرتينا.
شفيرية الباصات عنا نوعين: الازعر السرسري اللي مشغل الاذعه على الاغاني ومطروب لحالو وطز في الركاب .ومنوع التدخين وبدخن والبصق من الشباك واحلى واكبر يصقه بطرقها من الشباك. وين يا حلوي ويسلملي اللي خلقك ودخيلو انا ويسعدلي ربك ويسلملي هالجمال و و هذا النوع الاول.
النوع التاني اللي دارج هالايام المؤمن اللي شغال 24 ساعه اذعة قران الشيخ عبد الباسط عبد الصمد :واذا المؤدة سؤلت باي ذنب قتلت يعني الراكب بفكر حالو داخل عزاء وبقول للشوفير عظم لله اجركم.
فقط للعلم مش تعصب انا من اشد الناس اعجابا بالشيخ عبد الباسط عبد الصمد واسمعه كثيرا لكن هناك اوقات لكل شئ لان المواصلات العامه المفروض من السائقين الانتباه على الطروق وممنوع سماع الاذعه وتشتيت الذهن...صدقوني بعرف انو الدول المتخلفه فقط عندها هيك قوانين اما بلادنا بلاد العز والعلم والتكنولوجيا هي الافضل والاصوب.
قبل اسبوعين في احد شوارع القدس زوجتي وابنتي يستمعون لحديث 3 شبان فرحين باعمال داعش من قتل اغتصاب وسبي للمسيحين في العراق ,ويقولون يللى على الاقل بصير في تنظيف للبلاد من هؤلاء المسيحين ..التفتت ابنتي وقالت للشباب عيب عليكم .
بكل استهزاء وضحك احدهم يقول كان عم يمزح.
لا يا اعزائي هذا ليس مزح هذا فكر ونهج وتاثير وموافقه ضمنيه عن ما يجري والذي يدعي ان لا مظاهر للتعصب في المجتمع الفلسطيني فهو غلطان ومخطيء بذور التعصب ورياح الطائقيه اخذه بالاقتراب واجبنا التنبه والعمل جميعا على عدم استفحال هذه الظاهره .
الاوطان للجميع والاديان اماكنها في دور العباده.

#جان_نصار (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل