ليه ؟

محمد حسين عبدالعزيز

الحوار المتمدن-العدد: 4722 - 2015 / 2 / 16 - 13:52
المحور: كتابات ساخرة
    

ليه

حوار بيني وبين نفسي ، إستخدمت فيه الورقو والقلم وحاولت أشخبط ببساطة عن سبب أو أسباب الخراب اللي حوالينا ، وحبيت أشارككم بيه
الأصولية مش منحصرة في الدين أو في تشريعاته بس ، الأصولية مش مجرد التمسك بالقديم البالي والإصرار علي نفخ الروح في جثة مش ميته بس لإ دي متحلله من أكتر من الف واربعمائة سنة وكمان ريحة نتانتها مازالت موجودة وبتفوح.
في ناس مؤمنه تمام إنه بما إن ريحة النتنانة لسه فواحه فده دليل علي قوتها وصلاحيتها لكل زمان ومكان
الأصولية بتنسحب علي أي فكر أو أيدلوجية بتتبني نسق واحد معرفي ، قيمي،ديني، مبتشوفش غيره الصحة إبدا .
الأصولية من غير جعلصة .. هو تبنيك لفكرة وتشكل بيها دوغما رغم إنه الكل بين ليك بالدليل القاطع إنها فاشلة ومرذولة وملهاش اي نفع غير في تكديس الجثث وتكويمها فزق بعضها .
الأصولية كمفهوم - وده اللي يعنيني أكتر مبتفسدش كمعرفه في حد ذاتها ، غير لما تلاقي شخص اجوف موتور طينة خصبه ، تطرح فيه بؤسها ونتناتها؟
النوع ده من البشر مينفعش تخاطبه أصلا ولا تواجهه غير بالسلاح
لإنه بقي زي العضو الفاسد لازم يتبتر
الأصولية يا سادة مش منحصرة فقط في فكر قال الله - إن كان هناك- أو قال الرسول - بإغفال الحجج التاريخية-
الأصولية جين بيتوارث زيه زي الغبا، الذكاء،العيون الملونة ، أو حتي البًله المغولي
السؤال بقي إنت بتعمل إيه عشان تواجهه ؟؟
سؤالي مش موجه بس للحكومات لكن كما للأفراد العاديين أنا، وإنت ، وهي ، وهو

كام مره سمعت خطبة جامع بتندد وبتنكل بمواطن زيك زيه ؟
وخرجت عادي من الجمعه أو من صلاة الأحد ولا كأنك سمعت أو شاركت في طقس همجي قذر بيضرب قيم المواطنة في مقتل
كام مره شوفت متحرش بينتهك أبسط قواعد الأدب والإحترام العامة ونفضت وعملت من كفر طهرمس ؟
وقلت بكل تبجح وغباوة ، هي ليه لابسة كده
كام مره مصيبة حصلت لأهلك أو لقريبك أو صديقك أو حتي جارك وبررتها وأييفت الأحداث عشان تفضل تتجعص وتمصمص في شفايفك ؟
ومسألتش نفسك إنه ممكن يكون فعل شارك أو ساهم أو خطط ، وكان كل من حولك هم من الملائكة المقربين
مٍد الخط علي إستقامته هتعرف ليه داعش ،النصرة،حزب الله، حماس، الإخوان، برهامي، وحتي عنييل الغربية موجودين بينا وهيفضلوا موجودين ؟!!

عارفين ليه ... أقولكوا أنا وده إجتهادي الشخصي المتواضع

طول ما كلنا بنعالج العرض وسايبين المرض !
طول ما بنخاف نشاور علي المجرم الحقيقي ونتحد عشان نسلسله ونحرقه بالجيل الحي !
طول ما ولادنا بيدرسوا نصوص ومواد بتكرس للفوقيه وبتأصل للدونية وفق أسس ومعايير بتتلخص في " هذا ما وجدنا عليه آبائنا" !!!
طول ما تعليمنا بيهد أكتر ما يبني ، وبيخوخ أكتر ما يأسس ، طول ما في تعليم مدني - رغم ضعفه- وفي تعليم ديني
طول ما في حد بيتدفعله ملايين في دراسته ويخرج يلاقي وظيفة بملايين بردوا ، وغيره ، يطلع عين اللي جابوه ويندم علي اليوم اللي إتعلم فيه
طول ما بنادي بالمساواة والعدالة ، وأ,ل ما الدور يجي عندنا ، يظهر القبح جوانا وندور علي الواسطة والمحسوبية ونحكم المجاملات
طول ما بنوكل غيرنا يدافع عن قضايانا وحقوقنا ، ويطلع في الغعلام يتصور ويأستك فلوس ، وإحنا نزداد فقر وجهل

طول ما احنا واقفين في خانة رد الفعل وسايبين نفسنا زي الريشة في مهب الريح وبنكتفي بالشجب والتنديد
طول ما مبدأ يا حيط دارينا ، وعيش ندل تموت مستور ، وإنت اللي هتصلح الكون يعني ، وخدللك عبرة من اللي قبلك هو اللي بتسقيه لعيالك في كل تصرف وكل نفس
طول ما بتقول للمدرس في المدرسة إكسر وأنا أجبس
طول ما أهل العلم والثقافة عايشين ميتين
طول ما أصحاب الماجستير والدكتوراه بيحرقوا شهاداتهم في توسل لوظيفة بكام ملطوش ، بينما بهزة وسط لواحدة بدبلوم بتتلوحكوا كلكوا
طول ما كل مواهبنا في الرقص ، الغنا ، الهبل والهطل ، وكأننا ناقصين فنون
طول ما القدوة بتاعتنا هي لعبية الكورة ، والراقصات ، وأبطال الديجيهات الشعبية
طول ما في مؤسسات هزليه بتمارس القوادة والعهر ولاقيه ناس بتسمعلها وبتطبلها
طول ما كل قيمك ومبادئك بتستمدها من كهف نتن أثبتت التجارب عبر التاريخ إنه في تضاد وتصادم مع كل قيم العصر ، وإنه في صراع مع كل قيم التمدن والحداثة
ببساطة كلنا مشاركين في إننا دايسين علي الفرامل ، وبنتشدق ونتشحتف علي اللي بيحاول يدوس بنزين علي أمل ينتشلنا من كم الخراء اللي عايشين فيه لدرجة إنه مبقناش نتصور حياتنا من غيره
طول ما احنا مبنقراش ومبنفهمش بعمق
طول ما احنا بنكرس لثقافة كبير عنك بيوم يفهم عنك بسنة
طول ما احنا عايشين أسري الماضي التليد وبمنتهي الشيزوفرينا بنجتزيء منه وبناخد اللي علي هوانا
طول ما احنا سامحين لنفسنا إنه نستمد معلومتنا من أعلام ديوث ، وعاملين أصنام وبنلف حواليها
إحنا فعلا شعب لا يصلح لأي حاجه غير لحلل المحشي وزرب العيال.
كام مره طلعوا قالولك هذا لا يمثل الإسلام وشربتها زي الخرنج
كام مره قالولك عاش الهلال مع الصليب ، وبلعتها زي الخرنج بردو
نسأل نفسنا بوضوح وبصراحه كام مره رددنا من غير ما نفكر ونستقصي

كام مره عملنا فيها حدئيين وبنفهم وأثبتت التجارب المريرة إنه إحنا مش فالحين غير في صلطحة القفا
بنتهم الغرب بالعمالة والكفر والزندقة وإنه سبب كل بلاوينا ، وإحنا بردوا اللي بنستكلف نرفع صوابعنا شبر عشان نحط الزبالة في الصندوق
عرفتوا ليه عمر سليمان كان صادق إنه إحنا فعلا مش مأهليين للديموقراطية ، وبجد ومش بأفوور ولا لأي حاجه غيرها
إحنا أساتذه في عمل اليفط ، والشعارات ، إحنا مجرد لسان ، عجزة ،
بائسين،مهزومين، مسجونين جوانا، والسبب أصل جيني قذر بنتوارثة كابرا عن كابر
ممكن حد متفذلك يقولي وإنت بقة يا أمور عملت إيه ، هرد بكل بساطه إني إستنكرت ، واشتغلت ، وبتعلم ، وبقرا ، وبكتب ، وبسأل غيري وبتف علي اللي يستاهل التف عليه أيا كان هو مين ، وبحترم اللي يستاهل إنه يٌحترم أيا كان هو مين

#محمد_حسين_عبدالعزيز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل