أهي زهكة روح

غالب المسعودي
(Galb Masudi)

الحوار المتمدن-العدد: 4718 - 2015 / 2 / 12 - 17:59
المحور: الادب والفن
    

أهي زهكة روح
د.غالب المسعودي
اهي زهكة روح
سجينة ضلع وبالضلع
جنهة تنوح
تجي وتروح
او ما تتلايم كلها جروح
منثور الملح اعليها
تفز من مشيةالقاري
او مو كل ملح هو ملح
الملح الماتبزة الكاع
جنة جفية عرس
اليشمهة يلوع
والمشتهي يذب دموع
والماشي
يكول طين خاوة يمشطون الشعر
بيه
وهو يدري
الشعر ما يتخاوة
وشارتجي من الكاع غير الملح
انا حبيتك
جنج ملح للكاع
او وعي للكاع
او صدك للكاع
جا لمن خلصن اسنيني
ترحين او تجافيني
انا حبيتك
لمن يشتكي الموت من للموت
وانا اشكد ضاملك اسرار
بكد بكثرهن ضام اعطور
وتحت هاي وهاي
انا احلم بألسؤال
سؤالي
يجفل من برد كانون
ويخجلة الكيض
ورغم هذا او ذاك
انا احلم بالسؤال
جا ما شفتي....................!
شوفي بدلة زفتك
او شوفي كحلتك
او شوفي البعد
ينخر اعظامي وتعدة علية
وشوفي شوفي..........!
ارموشج الزعلانة
اشكد
تجنت علية
مو انت اللي كلتي
إش رببك الله علية.............؟
مو انت اللي كلتي
ذبني بشط الحلة
او لا تقرة الفاتحة علية
ليش من النهر عطشان
تكوللي شسوي ..العطلة خلصت
او تخلين الذيب يتنمرد علية.........!

#غالب_المسعودي (هاشتاغ)       Galb__Masudi#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل