أبو سمير

سيف سعدالله الناصري
(Saif Nassrei)

الحوار المتمدن-العدد: 4676 - 2014 / 12 / 29 - 04:40
المحور: كتابات ساخرة
    

ترى الفقر مو عيب ولا البساطة عيب العيب من ما تحس بمعاناة غيرك !! أبو سمير جان أنسان بسيط على كد حالة يادوب معيش عائلتة المتكونة من خمسة أفراد مع الزوجة ، ابو سمير جان يشتغل عمالة ، جان يطلع الساعة بالستة الصبح يروح للمسطر مال العمالة ينتظر سيارة توكف أدور عمال ، لفد شغلة محتاجة أبو السيارة وطبعآ أبو سمير لو يحصل الشغلة لو لا ، لأن الهوسة الي راح اصير على السيارة مو طبيعية ، أبو سمير بيوم الي ماكو شغل يعني العائلة مراح تاكل شيء. جديد ، يمكن راح تكتفي بالاكل الباقي من البارحة أو بعض من فتافيت الخبز. اليابس الموجودة بالجدر ، ويعني كعدة أبو سمير من الستة راح تروح بالخالي بلاش ، وراح يرجع لبيته وأم سمير تتلكا بس مراح يخلي بجيبها كم فلس ، وطبعآ رغم كل هذا أبو سمير جان راضي بنعمتة ودائمآ مبتسم ويكول الحمد الله على كل حال ، والذنب مو ذنب أبو سمير اذا رجع بيوم وما حط بيد أم سمير كم فلس لأن يجوز رزق ماكو اليوم ، بس المشكلة والذنب هو يم جماعة المنطقة المحرمة (الخضراء) ، وبيوم العالم من نزحت من محافظاتها حفاظآ على أرواح عائلاته وذهبوا الى محافظة أبو سمير ، مساعدهم صويلح ، ولا نويري ، ولا أسومة ، ولا حنونة ، أصلا محد جاب سيرتهم لا همه ولا جمعتهم ، الي ساعدهم أبو سمير الانسان البسيط الي عايش على شغل العمالة ، أبو سمير فتح بيته وسكن عائلة نازحة فقيرة ، قاسموهم الاكل والشرب وكل شيء ، رغم بساطة عائلة أبو سمير الا أنهم جانوا حاسين بمعاناة الناس الي محد حس بيها من جماعة المنطقة الخضراء لأن ما ضاقوا البصل الاخضر والخبز عند الغداء ولا كان فطورهم جاي وباذنجان. لأن القيمر والكاهي ابد ما يغزر عيني ، فتحية لأبو سمير الأصيل

#سيف_سعدالله_الناصري (هاشتاغ)       Saif_Nassrei#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل