مهبدي

سيف سعدالله الناصري
(Saif Nassrei)

الحوار المتمدن-العدد: 4672 - 2014 / 12 / 25 - 23:44
المحور: كتابات ساخرة
    

(مهيدي )

شايفين مناطقنه بغداد شكد حلوة وشكد حلوة العصرية بيها وخصوص بالبيت من العائلة تكعد بالحوش وطافية الكهرباء ودرجة الحرارة عالية بس الناس فرحانة وتشرب جاي بالحر ، أكثر ما يميز مناطقنه بغداد هي جانت أتلم كل أصناف المجتمع من المثقف والرياضي والمطرب والمتدين والعرگجي والفقير الغني ...الخ
أكو منطقة من مناطقنه جانت دائمآ اتعاني من مشكلة المجاري مجاريها جانت بين فترة وفترة اتفيح ريحتها وتلكاها مغركة نص الشوارع ، بس المشكلة منو الي جان يتأذى أكثر أصحاب البيوت الناصية ، بحكم أن المجاري أول ما راح تدخل هي لبيوتهم ، بلدية المنطقة جانت ما تخلي حلول جذرية والسبب يرجع لنزاعات على كرسي البلدية الي بي خوش خبزة ، حتى يكلك من ورة الكرسي اتحصل سايبات وطيارات هدية ، جانت البلدية دائمآ أتخلي حلول ترقيعية يعني أجيب واترقع بالشگ ، والله بيوم من الأيام واتفيضلك المجاري وهل المرة فيضة كافرة والخيسة صارت للركب ، وما نعرف وين جانت البلدية يجوز جانت أجرب الطيارة ، والخيسة طبت للببيوت والناس طلعت هذا الي طلع بالهدوم الي علية وهذا الي لحك ياخذله فد شيء ، أغلبية الناس طلعت وراحت للمناطق المجاورة للمنطقة الي فاضت بيها المجاري ، هذا الي كعد على الرصيف وهذا الي كعد بيت بعدة مكامل وهذا الي أجر ، ورة فترة من هل المعاناة اهل المنطقة المستضيفة ، أجتمعوا گالوا باطل شلون انشوف أهلنة هيج ومنساعدهم ، فقررو يلمون تبرعات للنازحين من المنطقة فكالوا منو يقوم بالمهمة والله من بين الحظور الموجود من وجهاء المنطقة المستضيفة گام مهيدي كال اني ، المعروف على مهيدي واحد گلاوجي بس المشكلة محد يعرف بي گلاوجي غير بس المقربيين منه وجانوا ساكتين لان جان يسكتهم بفليساته الي جان يخمطها من الگلاوات مالتة ، والله راح مهيدي وبده يلم التبرعات وجيبه منا ودي منا مهيدي كرف فلوس يحلم بيها ، فكلوله يلا مهيدي وزع الفليسات والله بدة يوزع لشكوا واحد جان بيتة عالي ومطبلة الخيسة وحتى لو طبت ميتأثر ، والله مرت ايام والتوزيع توقف ومهيدي مفقود محد يعرف وين ، والناس ماتت جوع ومهيدي وين دايح محد يعرف ليش مو بيوم من الايام عرگجي المنطقة اجة للمنطقة يصيح لكيته لكيتة اهل لمنطقة كلولة المن لكيت كال لكيت مهيدي وين يمعود عدل بدل كاللهم والله لميتة باحد بارات الكرادة مكعدله نسوان أثنين وديسكر ، ومن سألته ها مهيدي شعندك هنا الدنيا مكلوبة عليك كال يمعود هي خربانة من كاعة خل نضرب عرك بفلوس الوادم ومن ارجع اسكتهم بجم فليسات ...
هي المشكلة وين ﻻ-;- مهيدي راح يتأذى من يرجع ولا ألي أنطوة فلوس الي راح يتأذى اصحاب البيوت الناصية الي طبتلها الخيسة ..
ومن دبش يصير براسنة خير بوجود مهيدي

#سيف_سعدالله_الناصري (هاشتاغ)       Saif_Nassrei#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل