حجي أبو اسماعيل صار مسؤول

سيف سعدالله الناصري
(Saif Nassrei)

الحوار المتمدن-العدد: 4668 - 2014 / 12 / 21 - 03:43
المحور: كتابات ساخرة
    

أحنة العراقيين مشاكلنة ابد ما تخلص بحيث حتى الكية الي نركبها وانت رايح من العلاوي لباب الشرجي هم تسمع بيها مشكلة من الي كاعد بصفك ، ما أعرف أحنة مشكلجية ما ادري ابتلينة بناس طايح حظها ، مندري الناس تشمر مشاكلها علينة ، ويجوز الثلاثة أمور أجتمعت بينه بس أني أكول الله أبتلانه بناس لا ذمة ولا ضمير .
حجي أبو اسماعيل من جان خارج العراق قبل ال 2003 جانت شغلتة الي ياكل منها تمن ومرك يلبس الدشداشة البيضة والعرقجين الابيض ويلزم بيدة سبحة ام المية واحد ويلم التبرعات من العراقيين الي كاعديين بدول أوروبا والدول العربية ، من خلال ندوات اسلامية وهل السوالف ، حجي أبو اسماعيل جان يكرف كرف وهو الشلة مالتة بحجة الاموال الي يجمعها هي من أجل العراق وأطفاله ، ورة ال 2003 قرر ابو اسماعيل أن يرجع لمنطقتة. اشتراله بيت طابقين والسيارة الاخر موديل طابكة بالكراج ، المشكلة ابو اسماعيل جان خارج العراق عايش على التبرعات مين جاب هاي الفلوس محد يدري ، وبعد فترة من كعدتة بالمنطقة قرر يرشح للبرلمان وهو يقود الحملة الانتخابية مالتة من خلال خطاباتة الرنانة ، الي جان يتميز بيها حتى من جان خارج العراق جانت الشلة اتخلي هو يلزم المايك ويبدي يحث الناس على التبرع لان جان صاحب خطابات محد يفهمها بس سيبوية كلة كال الفسف وحجة السفسف ، والله وذاك اليوم ابو اسماعيل صاعد على المنبر والناس ملتمة ليكول دود ، بده ابو اسماعيل بخطبتة وحث الناس على انتخابة وجانت بداية الخطبة ( أيها الناس أن مطالبكم معجون في دمي ) وطبعا وهو يحجي والناس البسطاء بس فاكة حلكهه وما تفتهم شديكول وحتى قدوري ابنة الصغير الي واكف ورا هم فك حلكة فالناس على نياتها وفقرة كل ظنهم ابو اسماعيل هو المنقذ وهو راح بخلصهم من المجاري الطايفة بالدرابين والشوارع ، وراح يكعد أم أموري بيتهم وراتبها يوصلها للبيت بعد ما جانت تبيع الگيمر بصف فرن الصمون مال سيد جاسم ، أجتي الانتخابات والناس انتخبت وفاز ابو اسماعيل وصار مسؤول جبير بالحكومة وكعد بييت قصر بالمنطقة الخضراء بس المشكلة لا المجاري الطايفة صارلها حل ولا أم اموري كعدت بيتهم ، ﻻ-;- بالعكس الحالة ساءت والناس ما قبضت من أبو اسماعيل غير مصطلحات عربية لحد الان قدوري أبنة ما فاهمها ، وحتى يكلك هذاك اليوم من أستقبل حجي ابو أسماعيل وزير احدى الدول الشقيقة وكالمعتاد بده بخطبتة الموجة لسيبوية يكلك الوزير الضيف ظل بس يتلفت ويدور على مترجم لكلام حجي أبو اسماعيل ...
ها عمي ويكلك التفلسف وهل السوالف ما تخليك اطك طكة لستار ، وتحية لابو سماعيل والة معجون التوسان

#سيف_سعدالله_الناصري (هاشتاغ)       Saif_Nassrei#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل