عايدة

أحمد سعده
(أيمï آïم)

الحوار المتمدن-العدد: 4634 - 2014 / 11 / 15 - 16:55
المحور: حقوق الانسان
    

سألتها: بكـــــام الـمـانـجـة؟
- بـــ15 جنيه بس، والنهاردة آخر يوم ومش هتلاقيها تاني.
قلتلها وأنا مبتسم: على فكرة قولتيلي نفس الكلمتين دول من 3 أيام الساعة 1:30 بالليل.
سكتت في خجل وهي بتوزن كيلو.. غالبا هي تنسى الوجوه وتراهن على أنها في ميدان واسع ومزدحم.
- بابتسامة فيها رضا قالتلي: اللي تدفعه يا أستاذ..
تقريبا هي لم تفهم كلماتي..، أنا لاحظت إن كل اللي بيعدى مش بيشتري منها، وبيشتري من المحلات الكبيرة "أكيد لو كانت حلوة كانوا اشتروا منها!".. رغم إنها بتبيع بنفس السعر، وأكيد كمان لو فيه مصدر دخل تاني عندها مش هتبهدل نفسها في الشارع خصوصا إنها بتبيع في الشارع "ليل نهار".
إديتها 20 جنيه، ومرضيتش آخد باقي..
إسمك ايه..؟
- عايدة ..
وأنا أحمد..، أنا ملاحظ يا عايدة إنك قاعدة في الشارع ليل نهار بتبيعي فاكهة!!
- معنديش حاجة تانية أعملها، ولا عندي مكان أروحه، أنا ببيع وبصرف على نفسي
كان معايا 2 كرواسون بالشيكولاتة، مديت إيدي وقلتلها: ممكن أعزمك على واحدة؟
- إبتسمت في صمت... وقالت: ماااشي . شكرا يا أستاذ.
ساكنة فين يا عايدة؟!
- أنا بنام في المحل بتاع الحاج "حمدي" بعد ما بيقفله.. الله يكرمه، وباخد من عنده الفاكهة اللي ببيعها.
وفين أهلك؟
- ردت في حزن وأسى: أهلي في سوهاج وطردوني بعد ما اتجوزت من وراهم. واخواتي محدش فيهم بيطيقني، ولو استحملوني يوم مبييستحملوش التاني.
طب وفين جوزك؟
- بدأ لون عينيها يتغير: بقاله سنتين معرفش عنه حاجة، ضربني وبهدلني كتير وفي الآخر مشي، وسبت البدروم اللي كنت فيه علشان الإيجار...
مفيش حد خالص من أهلك أو أهل جوزك وقف جنبك؟!
- كلهم سابوني في الشارع زي الشرموطة أو الشحاتة.
.......................
أوضة وصالة....!! تقريبا هي أزمة عايــــدة.
عايدة أكيد مش عارفة إن فيه أكثر من 3.5 مليون وحدة سكنية مغلقة، لأن أصحابها عندهم غيرها "بحسب وزارة الإسكان".. ده غير الفنادق والقرى السياحية والشقق والشاليهات الصيفية المغلقة 9 شهور في السنة تقريبا ومبتتفتحش غير في شهور الصيف، أو في النزوات الشتوية لرجال الأعمال.
أوضة وصالة....!!
ألتفت حولي، وأشعر بعجزي وقلة حيلتي! ... كتل خرسانية وأبراج سكنية، سيارات دفع رباعي بمئات الآلاف، أتخيل أن موبايل واحد سامسونج أو سوني حديث قد يكفي لتأجير شقة لمدة عام كامل لعايدة.
إحنا فعلا في تراجع أخلاقي رهيب، بنداريه دايما بمظهر مخادع من الطقوس والمظاهر، قلوبنا أصبحت كالحجارة أو أشد قساوة. ظلم وقهر وفساد يضرب الوطن من كل إتجاه. معاناة وحسرة يومية على أرواح بناتنا وأبنائنا ضحايا للإهمال سواء في حوادث الطريق أو من الجوع أو من عمليات الإرهاب.
وفي الآخـــــر، بنقول متدينين بطبعنا ومسلمين!!!
رغم أن من يفسدون ويسرقون ويرهبون ويقتلون هم للأسف مصريون مسلمون يقيمون الصلاة!!
نحن لا نحتاج لتدين ظاهري يكون ستارا للفساد والظلم والنهب والأنانية والطمع؛ بل نحتاج لقدر من الإنسانية والتكافل والتراحم والتواد والتضامن والعطف.... وهذا هو جوهر الدين.
"عايدة" وزيها ألوف، من حقها أنها تصحى من نومها تشرب شاي بلبن، وتتفرج على أماني الخياط وهي بتصرخ على الشاشة، وتنزل تتسوق وتعمل غدا.. عايدة من حقها تعيش شبه "البني آدمين".. أحلام عادية من حق أي حد زي عايدة.
مشيت وكلي حزن وخيبة وإحباط، ونسيت إني جريت 20 دقيقة علشان أخس 4 كيلو زيادة عن الوزن الوزن المثالي.
دخلت البيت، وأخدت المانجة على المطبخ علشان أعمل مكعبات مانجة بالعسل الأبيض. المطبخ بالنسبة لي حاجة واوو. بيديني ثقة في نفسي، وبيحسسني بسعادة وإني أقدر أعمل حاجات جميلة ليا وللآخرين.. إعداد الطعام بيبعث فينا البهجة، وبيعلمنا الكرم والعطاء والتراحم وتجاوز الذات.
عملت فطار جميل أوي من المانجة والعسل، ... لكن تظل قصة "عايدة" تؤرقني وتفقدني حلاوة ما صنعت...

#أحمد_سعده (هاشتاغ)       أيمï_آïم#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل