من زمان أمنيتي ارسم .... من زمان

مالك الكاتب

الحوار المتمدن-العدد: 4568 - 2014 / 9 / 8 - 15:28
المحور: الادب والفن
    

عندما اعشقُ ألوانَ الحبِ .. ألوانَ السلامِ .. ألوانَ الحياةِ ... اعشقكِ انتِ
عندما اكتبُ كلماتِ الغزلِ .. اكتبُكِ انتِ
عندما ارسمُ لوحاتِ الأملِ .. ارسمُكِ انتِ
وها انتِ حلمٌ .. وها انتِ أمنيتي
وما افعلُ بِ أمنيتي ؟!
غير اني ارسمُها ...
مذ زمن الخليقةِ .. كنتُ احلم برسمِها
وها انا ارسمُكِ .. يا أمنيتي
تنتظر روحي قصيدة
واني أفل روحي شعر
انفتح عل ما سألني
واحكي كل عشقي الكْ
يا سطر بأول جريدة
ويا نهر بس مو نهر
شرد أقلكْ ... شرد أقلكْ ( اكَُلك )
أتمنى قلبي لسانه بيده
واني عن جد انتظر
وشرد أقلكْ ....
يا حلاوة روح بيه
ويا سوالف تلتقي بكل الحروف
اعتلق بالكأس واثمل
ويعتلق كل جسمي بيكْ
لا مو سهر .. وللعشق لا مو عشق
تبحث أنفاسي لقاء
وتمسك أيدي معصم أيدكْ
وتنزع ألوان البلاء
نرتقي وبالروح ابوسكْ
وارسم عيوني نفق بأول جسر
وارمي كل بوسات قلبي ( كَلبي )
وبيها اعمل لافتات
وبمتاهة كلمة مني
ارتشف قبلة حياة
ولا مو جديد العشق بيه ... مو جديد
بس ترى نبضات قلبكْ
هن ليعملن فرقْ
بمسبحة عشقي خرخشي
ولا تحسبين العمر
اني كم مرة اغني ؟
ويا حريمة سنين عمري .. ما اريد
احكي عن شاطىء تفاؤل
وابتسم في كل صباح
وارسم أصوات البلابل
والناس كلها بلا سواد
كلها ابيض ...
مثل المعرسة جديدة
ومثل قلبي ليشتهيكْ
لا .. تعالي
مثل المسافر وقت
ودي ارسم كل شيء بيكْ
ودي اشلح كل شيء بيك
وتعترين ... وتعترين
بلا حجاب .. بلا نصاب
عيوني شمعة وتعتريكْ
تكتب عيونكْ ملاحم
واني أنكيدوا أجيكْ
وانتِ في صدري فلاسف
وانتِ وي الكون كون
ونلتقي بأول محطة
واكتب أيامي سطر
وادفن أشكال السياسة
وينتصر كل النهر
وهو صوت الناس يعلى
والله خالقهم بشر
نسنسات العشق بيه
والسكر والصيف
مو قبل النهاية
والقوارب بيضاء كلها
باخر أطراف النهر
رحمة من مسحة ضباب
واقطع أزرار القميص
والتقي بوجه الهواء
واغفو مثل السهر
من ينام بحضان الورد
وقلبي يخرج يرتمي بِ احضان دجلة
ويصير يتبرج حلاه ..
ومن يعود عيوني بيده
ويكتب الدستور في لجنة عتيدة
يمارس انواع الهوى ..
وكل الخطيىة
ويغسل ألوان الجريمة
ويعود يرسم حلم ريشة
خصر يرسم
من زمان أمنيته يرسم .. من زمان
خصر في نصف الأصابع
روح في نصف السماء
ترفرف بلايه قواطع
وتسبح بكل الفضاء
من زمان أمنيتي ارسم ...
من زمان

#مالك_الكاتب (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل