أغنية مصرية

عطا درغام

الحوار المتمدن-العدد: 4529 - 2014 / 7 / 31 - 14:41
المحور: الادب والفن
    

موسيقى افتتاحية
يدخل واحد من الجمهور لا يعجبه ما يدور على المسرح من تجهيزات وإعداد للعمل المسرحي
المتفرج:
تقدروا تقو لوالى أيه فايدة كل ده
( يفتح الستار ..ويخرج له الراوي ويسير حتى مقدمة المسرح ..ويرد على المتفرج )
الراوي:
من فضلك
ما تحكمشى على شيء قبل ما تشوفه
وكل ده بنعبر فيه عن نفسنا
وعن كل اللي بنعيشه وبنحسه جوانا
المتفرج:
يعنى هتحكى لنا قصة أبو زيد الهلالي يا اخويا
الراوي:
لا أبو زيد ولا عنترة
فيه اللي أحسن من أبو زيد وعنترة
فيه تاريخ الوطن اللي كله كفا ح
وحضارة وبطولة
عشان تتعلم من ماضيك عبرة
تكون لك ذكرى
( يعود المتفرج ا إلى مكانه بين الجمهور)
الراوي:
وياريت انتوا كمان
تبقوا معانا
وقبل المتعة ياريت نتعلم
( يسمع صوت أنور السادات يعلن بيان إعلان قيام ثورة 23 يوليو سنة 1952 )
السادات:
اجتازت مصر فترة عصيبة في تاريخها من الرشوة و الفساد وعدم استقرار الحكم .وكان لكل هذه العوامل تأثير كبير على الجيش .. وعلى ذلك 0 فقد قمنا بتطهير أنفسنا وتولى أمرنا في داخل الجيش رجال نثق في قدرتهم وفى خلقهم .. ولا بد أن مصر كلها تتلقى هذا الخبر بالابتهاج
( يسمع أصوات هتاف للشعب المصري تعبر عن هذا الحدث العظيم .. ويمكن الاستعانة بأصوات مسجلة00 ويتم عرض صور على بالبروجيكتور تصور هذا الحدث مصحوبة بأغنية تعبر عن ثورة يوليو وفرحة الشعب المصري )
الراوي:
ماحلاكى يا فرحة
وانتى مكسية بتوب النصر
قلنا نبنى
قلنا نعمر
قلنا هنبنى السد العالي
جه جمال قال ياقنال
جه جمال قال يا قنال
( صوت الزعيم جمال عبد الناصر .. يعلن تأميم قناة السويس)
ويتم عرض هذا الحدث بالصوت والصورة عن طريق بالبروجيكتور .. الذي يصور هذا الحدث وفرحة الشعب)
الراوي:
يا فرحة ماتمت
استكترتها علينا عصابات أوروبا
ويا عصابات صهيونية
ضربوا فيها بورسعيد
( أصوات قنابل وطائرات ومدافع ويتم الاستعانة بالبروجيكتور ويتم عرض صور ضرب بورسعيد )
الراوي:
ضربوك بالقنابل
وخلوك خراب يا بورسعيد
من عصابة التلاتة
ويا دلدول صهيوني
طلع شيطاني
وانغرس وسطينا
وفرق وحدتنا
الراوي:
بورسعيد موش لوحدها
معاها كل مصر بقلوبها
بتدعى لمهران وعسران
وأصحابه اللي كانوا رجالة
في الجميل والرسوة وبور فؤاد
وصرخوا وقالوا
الموت ولا العار
الموت ولا العار
الراوي:
يا عصابات مفترية
ارجعوا بلادكم
بلادنا موش ليكووا
هتتحرقوا في سماها
وتغرقوا في ميتها
دى أرضنا
أرض أبويا وجدي
وولادى من بعدى
( ويتم عرض لقطات فيلمية تصور بطولة أبناء بورسعيد كخلفية للأغنية المعروضة )
الراوي:
الله عليكوا يا بورسعيدية
يا أهل الشهامة والبطولة
علمتونا أيه معنى الوطنية
في دروس لأولادنا مشروحة
ورفعتوا رايتنا منصورة
ولبستوا إيدن طرحة
ورجعتوا جيوشه مقهورة ورجعتوا جيوشه مقهورة
( وخلال ذلك يتم عرض أغنية تعبر عن هذا الحدث مع خلفية تصور بطولات وكفاح شعب بورسعيد )
الراوي
كثرت سيوف الغدر
وتآمرت عليك الديابة يامصر
واللي حصل كان شيء فظيع ما يتحكييش
نقول مصيبة
موش كفاية
نقول نكسة
موش كفاية
نقول مصيبة
موش كفاية
( وخلال هذه الأثناء يتم عرض مشاهد فيلمية على البروجيكتور تصور نكسة 1967 وتستمر خلال حديث الراوي)
الراوي
نقول خدعونا
ولا إحنا اللي خدعنا نفسنا
وافتكرنا إن إحنا قدهم
وعشنا في حلم وعيشونا فيه
قال أيه بكرة تدخلوا تل أبيب
طلعوا هما اللي دخلوا سينا
( يدخل جندي بملابس رثة ممزقة تدل على آثار المعركة..ويسير مترنحا .. ويقع 00 ويزحف حتى مقدمة المسرح
ويخاطب الجمهور )
الجندي
إحنا ما اتهزمناش
لأننا أصلا ما حاريبناش
أوعوا في يوم تظلمونا
قالوا لنا حاربوا
قلنا موش مستعدين
رحنا نحارب
لقينا في سينا حاجة تانية
واللي فلت من طيارات العدو
مات من الحر في رمله سينا
بس إدونا فرصة تانية
وانتووا هتعرفوا مين هو الجندي المصري
و اوعوتفقدوا الثقة فينا
وسينا هترجع بإذن الله
وسينا هترجع بإذنالله
(ويتم خلال هذه الأثناء عرض مشاهد فيلمية على البروجيكتور تصور هزيمة 1967 ويموت الجندى على كتف الراوى)
الراوي
راحت سينا من مصرفي غمضة عين
والحزن غطى في كل بيت وإسرائيل
افتكرت إن موش هتقوم لك قومة يا مصر
وع القنال بنوا خط سموه بارليف عشان
يحميها من ولادنا ورحت تستعرض علينا
قوتها ومن خستها وجبروتها في أبو زعبل
ضربت عمالنا والأفظع من كل ده موتت
البراءة في بحر البقر أيه ذنبهم مالهم
دول ومال الحرب .. فظيع .. فظيع
( مجموعة من الأطفال تحمل حقائب مدرسية لنفهم أنهم أطغ-فال مدرسة بحر البقر ويسمع صوت قنابل وصواريخ .. وعلى أثرها يقع الأطفال موتي.. فوضى في المسرح.. وصراخ ..ويدور الراوي حول الأطفال 00 وخلال ذلك يتم عرض لقطات ضرب مدرسة بحر البقر وتستمر )
ياترى فيه أمل في اللي جى
ولا الانكسار أنكتب علينا
موش ممكن يكون انكسار
وإلا قول على المصري السلام
عمر المصري ماتهده محن
ولا تكسره الهزايم
واسأ لوا حتى التاريخ
هيقول لكوا المصري غنوه
يرددها لساني
عمري في يوم ما أنساها
عمري في يوم ما أنساها
عمري ما أنساها
( وخلال اختفاء الراوي.. يردد الكورال مع الراوي .. المصرى غنوه يرددها لساني... عمري في يوم ما أنساها)
الراوي:
والله الأمل جى
والله الأمل جى
ومسير النصر يتحقق
والبسمة ترجع ع الشفايف
والله الأمل جى
والله الأمل جى
( تدخل مجموعة من الجنود ترفع البنادق مهللة ومكبرة الله أكبر الله أكبر ..مع عرض مشاهد فيلمية تصور لحظات العبور العظيم )
الجندي:
حي على الجهاد
حي على الجهاد
حي على الجهاد
الله اكبر
الله أكبر
الله أكبر
الله أكبر
( يرددها الكورال وفريق العمل مع الجندي .. )
الله أكبر من كل معتدى
الله أكبر الله أكبر
كلمة للأبطال كانت شعار
الله أكبر الله أكبر
واتهزت ليها قلوب
الله أكبر الله أكبر
خاف ابن صهيون
وقال داريني يا بارليف
وصرخت مائير
وقالت الحقنى ياسام
الله أكبر
الله أكبر
ولا يزال الكورال وفريق العمل يردد مع الجنود ..الله أكبر الله أكبر .. لتهتز جميع أركان المسرح.. ويتم عرض لقطات فيلمية من خلال البروجيكتور لعرض صور من العبور العظيم.. حتى ينتهي العرض )
الراوي
والله وفرحتي يا مصر
والله وفرحتي يا مصر
وخلعتي توب الحزن
ولبست توب النصر
وفرحت يا شعب بنصر ولادك
والله عشا نكوا نغنى
غنوه جميلة
من شعب أصيل
لأسود أبطال

#عطا_درغام (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات