الصفحة الرئيسية - الادب والفن - عطا درغام - ملحمة بورسعيد

ملحمة بورسعيد

عطا درغام

الحوار المتمدن-العدد: 4528 - 2014 / 7 / 30 - 13:18
المحور: الادب والفن

صوت جمال عبد الناصر
قرار رئيس الجمهورية بتأميم الشركة العالمية لقناة السويس .. شركة مساهمة مصري( أصوات هتافات خلف المسرح )
الله أكبر .. الله أكبر .. أممنا القناة
الكورس:
كانت بحق ضربة معلم
خللي بيها الكل يتكلم
ولازم الحق لصاحبه يعود
بعد سنين شفنا فيها عذاب
ومن خوفنا ماكنا بنقول الآه
ولما سيف الظلم طال الكل
هبوا الأحرار وقالوا كلمتهم
وقاموا بثورة رحبنا بيها
وتعشمنا فيها كل خير
على إيد ولادنا
( أصوات هتافات من خلف المسرح .... )
تحيا الثورة .. تحيا مصر .. عاشت مصر حرة .. تحيا الثورة)
الكورس:
قلنا لازم نبنى والإيد في الإيد
ونبنى ازاى والغريب في بلادنا
بياكل خيرنا ويطرد ولادنا
لحد ما جه المارد وصرخ صرخته
( إعادة لقرار الرئيس عبد الناصر .. قرار رئيس الجمهورية بتأميم الشركة العالمية لقناة السويس البحرية .. شركة مساهمة مصرية )
( أصوات هتافات من خلف المسرح )
ويجرى رجل عبر المسرح .... ويهتف )
الله أكبر .. الله أكبر .. أممنا القناة
الكورس:
وفى يوم كانت المؤامرة
من عصابة التلاتة
على شعب طيب بيحب بلده ( ثلاثة رجال مجهولة في منتصف الفناء يجلسون على منضدة ويتشاورون ) .. ويسمع أصوات طائرات ومدافع
الكورس:
ومن هنا تبدأ الملحمة
ملحمة بورسعيد
( صوت الرئيس عبد الناصر والاستعانة بجزء من خطابه في الأزهر)
الكورس:
كانت البداية من عصابة التلاتة
لما الضرب كان في الجميل والرسوة وبور فؤاد
طلعوا عليهم ولادنا زى الأسود
الكورس:
الجبان ما قدر عليهم
وراح يدمر كل حاجة
وخللي كل شيء دمار
خللي كل شيء دمار
موسيقى حزينة مع أصوات القنابل والطائرات
الكورس:
وياللا بينا نشوف ونسمع
عن ناس كانت حكاية
وعنهم كتير الناس بتحكي
وياللا بينا نشو ونسمع
( يدخل ممثل بملابس محمد مهران... ويتكأ على ركبته مصوبا بندقيته في الهواء... يقابله من الناحية الأخرى ممثل بملابس ضابط إنجليزي وحوله مجموعة جنود..... ويصوب محمد مهران الرصاصة فتصيب عين الضابط الإنجليزي فيصرخ .. فيرد عليه جندي إنجليزي برصاصة في رأسه فيقع على الأرض مغشيا عليه )
الكورس:
الله عليك يا مهران
أسد جسور في الجميل
عمال تصول وتجول
وصورت لنا أعظم ملحمة
ياللا اضرب
سدد
الله عليك يابطل
اتلموا عليك زى الديابة
وبرصاصة منك في عين قائدهم
خليته أعمى
وبرصاصة منهم جت في راسك
ورحت فيها وفوقوك
عذبوك
وخدوا منك نور عينيك
الله عليك يا بطل
الكورس:
رايحيين فين استنوا
لسه فيه عندنا حكايات
معقول ننسى السيد عسران
( ممثل يقوم بدور السيد عسران ممسكا رغيفا داخله قنبلة.. الأخرى مظلمة .. وينتظر قدوم سيارة ويليامز رئيس المخابرات الإنجليزية.. ويتظاهر بأنه يقدم مظلمة ..ثم يضرب القنبلة)
الكورس:
دا كمان حكايته حكاية
قتلوا أخوه ياولداه
وقال ما بدهاش
استننى أخونا ويليام
وقال أيه معاه مظلمة
وفى أيده التانية رغيف عيش قيه قنبلة
ولما قرب ويليام
جه عسران رمى القنبلة
الله عليك يابطل
الكورس:
دى الملحمة طويلة
والبطولات ما لهاش نهاية
أكيد سمعتوا عن مور هاوس
واللي ما سمعش عنه هنحكى له عنه
( ممثل يرتدى ملابس ضابط إنجليزي ليقوم بدور مور هاوس0وطفل بدراجة ينتظر قدوم مور هاوس ..ويستفزه الطفل ويشتمه...ويجرى الطفل بالدراجة.. ويطارده مور هاوس بسيارته.. ويتظاهر الطفل بالسقوط بدراجته.. وينزل مور هاوس من السيارة بمسدسه ..ويحاول الإمساك بالطفل... ويهجم عليه الفدائيون ويحملوه داخل سيارةالكورس)
الكورس:
كان بيكره كل مصري
وعشان سيادته قريب إليزابيث
قلنا آه دا يبقى صيد ثمين
ينفعنا ويكون أسير
وبطل الحكاية طفل صغير
صدرناه للعم مور
والبطل الصغير قعد يكيل له
جرى ورآه مور هاوس
والبطل بعجلته يا فكيك
واتظاهر بطلنا بأنه وقع
نزل له عمنا مور
هجموا عليه ولادنا زى الأسود
الله عليكوا يا أبطال
الله عليكوا يا أولاد بلدنا
الكورس:
مستعجلين
طب استنوا شوية
بعدين حوا تزعل منا
دى كان لها دور
ودور كبير
دى برضه بنتنا
وأمنا
وأختنا
(ممثلة تدفع أمامها عربة أطفال مغطاة بملاءة خفيفة عليها طفل.. وتحت الملاءة قنابل
وأسلحة....ويسوقفهاضابطإنجليزى فتحدثه بأعصاب هادئة ثم تواصل سيرها..... إلى نهاية المطاف وتناول الأسلحة
للفدائيين في المكان المطلوب)
الكورس:
زينب بنت عمنا الكفراوي
هي كمان حكايتها حكاية
ولادنا احتاروا في نقل سلاح
من حتة بعيدة لولاد تانيين في البر التانى
جت بنت النيل بفكرة جميلة
وبعربية طفل صغير
حطت فيه سلاح ولادنا
والنونو زى الملاك قال أيه بيحرسه
وجت دورية بريطانية
وبأعصاب فولاذية
ردت بنت النيل وكأن ما كان
الله عليك يا بنت النيل
الله عليك يا بورسعيد0
ياللى الكل بيكى سعيد
وبسواعد ولادنا
نبنيكى من جديد
الله عليكى يا بورسعيد

#عطا_درغام (هاشتاغ)

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات

رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -

تعليقات الفيسبوك () تعليقات الحوار المتمدن (0)

* الاسم الثنائي او الثلاثي

* البريد الالكتروني

* عنوان التعليق

التعـلـيـق

عدد الحروف المتبقية

الاسم يجب ان يكون الثنائي او الثلاثي و بالعربية فقط ولاتقبل الاسماء الرمزية
أعلمني عن التعليقات الجديدة على الموضوع

| نسخة قابلة للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
عدد الموضوعات المقروءة في الموقع الى الان : 4,294,967,295