فري كربول، فري عبد المجيد الشرفي

رضا كارم
باحث

الحوار المتمدن-العدد: 4455 - 2014 / 5 / 16 - 21:05
المحور: الثورات والانتفاضات الجماهيرية
    

بعيدا عن الطرح السطحي المباشر، زعمة علاش التوانسة، جزء كبير منهم، يحبو كربول و واثيقين في مهدي جمعة؟
أولا راني مشني نحكي على أغلبية او اقلية متاع الناس، ما ننجمش نعمل استنتاجات مماثلة و ما تعنينيش، نحيك فقط على مرى تمكنت باش تعمل شعبية حولها و حول يومياتها...
كربول عندها نشاط متلفز يوميا. مراقبة و محاطة بالاعلام بشكل كبير. حركتها تعطي انطباع أنو هي قريبة من الناس. معنتها تمكنت باش تكسر التعالي اللي عرفوه التوانسة مع الخوانجية و الدساترة.
اكثر من هذا، قدمت صورة مرى مزيانة تشبه للتوانسة ، و لهجتها المخلبزة خلتها تحوز على عطف برشة ناس.
معنتها كربول صناعة إعلامية متقنة، كل ما تنقدها تصنع لاها " مجد" جديد.
مساءلتها حول جريمة حقيقية ، و طريقة اجابتها اللي فاها برشة تهرب من السؤال و مساندتها من بعض متظاهرين، خلت تالصورة تتقلب على اللي ساؤلوها ،خاصة و انهم كلهم متصهينين و وضيعين برشة ، ممكن أكثر منها.
ظاهرة كربول، تكشف قداش ساهل انك تصنع ظاهرة و توجهها و توجه بيها راي عام كامل. برى توة قول راهو مهدي جمعة خايب، قول كربول ماهيش باهية، عيط للي صوتك يبح، حتى حد ما يسمعك و لا يعدل عليك...
علاش؟ الناس، ماعندهم حتى رغبة في تغيير ثوري، طويل الامد، و يحب خطط و مناهج. الناس اعطيني توة حليّل نعدي بيه اموري، و خلينا من اللي من بعد. هات سلكني توة ، خليني نعيش توة الساعة...
كربول تجاوب على المطلب هذا. هاك قرد قلبك توة ، طفي نارك، شيخ توة، الخوانجية ماعادش، الاتحاد هو اللي جاب الحكومة، القروض باليطاش، المفاوضات الاجتماعية يمكن تجيب نتيجة، ايه شنوة المشكلة؟؟؟؟
تي هو حمة الهمامي ، ركح ركحة كاملة. و كشف انو تونسي للرب. تونسي برشة بشكل مستحيل انط تزايد عليه في "وطنيتو"طبيعتو التونسية. الراجل نحو ليه الخوانجية منا، سكر فمو منا.
و لا عاد الفلفل غالي، لا كيلو الطماطم بالفين، لا السلاطة المشوية مستحيلة و لا مباركة خالتو و قفتها و المرشي حاضرين في كلامو.
مادام عندنا قراءة كيف هكة للواقع، مالا علاش كربول ما تكونش نجمة؟؟؟
و هاو من توة، رغم كل الهانات متاع نداء تونس، الا انو باش يجيب برشة أصوات، و ممكن يكون الاول حتى.
لنفس الاسباب اللي تخلي كربول تحفونة و مقبولة و نجمة، الباجي باش يربح. التوانسة فاهمين تماما انو الباجي هو التجمع، و هوما مستعدين باش يرجعو فرعونهم. لانهم اشتاقو للعصا.
مثلا انت تقابل ناس قارية و ميشي قارية، يقلك العرب يمشو كان بالزلاط. ربما كلامهم صحيح. لكن حتى الالمان يمشو بالزلاط، الفرنسيس و الامريكان و الروس ....البشرية الكل تمشي بالزلاط، و تمشي زادة بالحرية.
الحرية الصعيبة ، الصعيبة برشة.الحرية اللي تخليك تناضل باش ما توليش كربول و الباجي امثلة متاع حاجة ما خير. الحرية هي غاية تخليك تناضل و تصارع باش تكون انت و اللي متشارك معاهم مثال، و في بلاصة ما ما نستنو آمال تصور في تواليت و لا ترقص حفيانة ولا تمشي للتدليسي يسهلوها على الصهاينة، ولا تخرج من عقلها، علاش ما نصنعوش امثلة نكونو نحن عناوينها؟
علاش المقاومة لا؟
لانو تدربنا باش نكونو بسيطين برشة في طموحاتنا، لانو تربينا على التواكل و على تي فك علي من تكسير الراس.
هاك اخطى راسي و اضرب، هاك يا ولدي آش مدخلني فيه يتشد ولا يتكسر ، آش يهمني فيه اصلا؟؟؟هذيكة كلها تدرقت شوية و رجعت توة بقوة كبيرة. رجع التونسي لحقفيقتو،
الزوالي و القافز و البورجوازي و المقاوم و الطحان و عبد المجيد الشرفي و كربول و علاء و البرنامج متاعو، رجعنا كيف ما كنا. جهلة طحانة خماج و قوادة بلاش حساب، او ناس تخدم ضد مصالحها، و حفنة متاع ناس تحب تبدل حياتها الفاجرة.
عكس برشة من رفيقاتي و رفاقي ، في بلاصة ما نستنو عودة المسار الثوري على خلفية التقشف و التجويع القادم، حخلينا نخدمو على افتكاك مساحات اكبر لينا.
مساحات متاع تحرر و مساحات تمنح الاجيال القادمة امكانات للمواصلة و امكانيات للنجاح. رانا نحاربو في عقل عمرو 1400سنة، بلي يقدم معاك ، عندو خلفية مصددة و مع اول فيراج يصرفقك و يتعدى....
و بلاش ما نغلطو بعضنا، كلنا تعرضنا لخيبات بلاش عدد مع البشرية هذي، كلنا دخلنا فسطهم و خرجنا وحدنا.
كلنا في بالنا مع 100راجل طلعنا مع 100جبان مع رجولية مؤقتة ظرفية مناسباتية .الخبز ماهوش حافز ثوري، الجوع ماهوش حافز ثوري، ثمة فرق بين انتقام و غضب مرحلي ينجم يتغلب بشوية فلوس، وشوية كرادن و شوية رشوة و شوية شريان ذمة،
و بين التزام بمعركة و خوضها و تفعيلها و الرهان علاها. معركة طبقية موش متاع فتافيت الخبز البايت، معركة متاع عيشة بشرف عيشة الرجال عيشة الاحرار.
اللي معركتو شوية دنانير زايدة، منحة و راحة نهار السبت.....ما ينجمش يحارب على جال الحرية، يعني على جال حرية البشر، يعني على جال الثروة و السيادة و الحكم .
Esprit كربول -مهدي جمعة -الباجي، و Esprit فري زطلة ،فري شراب ، فري أـــــــــ، فري فساد....موشو روح متاع مقاومة و لا حتى متاع عركة.
اللي ينجم يتضامن سامي الفهري و مع الطاهر بن حسين و مع زياد الهاني و سفيان بن فرحات....ما ينجمش يتحرك ضد راس المال. ما ينجمش يفهم العركة ويني بالضبط و مع شكون؟
و زعمة سامي الفهري و الطاهر بن حسين معاه ولا ضدّو؟
العقلية كربولية و الباجي في الصندوق و أخيت يا ...قلو مقاومة قلّو....
المفاجأة يا جماعة الحداثوية ، با اللي ابعد ما تكونو على الحداثة، يا مستبدين، يا قوادة البوليس و خدامة الداخلية،
يا قوادة، المفاجاة انو باش نربحوكم. شكون نحن؟؟؟
نحن هاك الناس اللي يذكروكم كل يوم بحقايقكم قبل ما يجيبو الحبل و يعدوكم "تحليل مع الشنق"....
فري القوادة متاع البوليس، فير كربول متاع التواليت، فري الشيوعي اللي جايب معاه نوفمبري رديء ، باش يحز عليه من طريحة الخوانجية، فري مباركة يا حمة....
يا اولادي الروح و الدم متاع الحر ، ما يخلوكومش تتهنو في نومكم يا متاع "الورد البوليسي" يا "اللي تعملو مسيرات مع البوليس" يا قوادة ...
_______________

رضا كارم -قلعة سنان.

#رضا_كارم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل