واجبات مستحبات الله وكيلك كلاوات

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 4405 - 2014 / 3 / 26 - 01:18
المحور: كتابات ساخرة
    

الله وأكبر , ورقة الكهرباء طلعت عليّه تسعه وسبعين ألف وشوية
داعيكم صار بمكان عادل أمام بمسرحية شاهد مشافش حاجه
لمّن راح يدفع ورقة التلفون وهو أصلاً ماعنده تلفون
اليوم رحت أشتكي بدائرة الكهرباء وطبيت على أبو أحمد صاحبي
وأخبرته بأنني الوحيد بالمنطقه الذي أتته هكذا ورقه دون كل السكان
فجيراني جميعاً لم تتجاوز أجور كهربائهم السته آلاف فمادون وتأكدت من ذلك بعد جولة طرقت فيها كل البيبان
أخاف أنتو مشتبهين أبو حمودي , آني گاعد بحي النصر وماعندي لا فرن نووي ولاتورنه ولا معمل بالحي الصناعي , على بختك هاي كل مرّه تصير ويّاي يمعوّد شوفلي چاره
ربّت أبو أحمد على كرشه وأجابني بلغة الخبير في شؤون الفولتيّه والسلالم والوايراتي
أبو عليو أنت غشيم مصلحه , وذولي جيرانك كلهم حراميه ومارابطين الأجهزة الثگيله على الميزانيه , سبلت مكيّف گيزر مجمده ثلاجه , كلها تصرف كهرباء والجماعه مدسترين أمورهم ورابطيها چطل وأنت الوحيد تدفع حق الله وهاي الشغلة تثبت نزاهتك
أبو حمودي أنت مشتبه , وهذا كلامك مايخش العقل
لأن جيراني كلهم نزيهين ومتقّين , حجاج وصايمين ومصلّين , شلون تعقلها يبوگون , صارلنا عشرت عمر وياهم ما أنباگت من عدنا حاجه
ضحك أبو أحمد حتى كاد أن يسقط من الكرسي لولا أستعانته بالعلم العراقي كان ورائه وأجاب بلهجة الفقيه الواثق :
بويه ذوله يحللون ويحرمون بكيفهم , ويعتبرون سرقة الكهرباء حلال , وأذا واحد لزمهم بالجرم المشهود وحاججهم يطلعوله بأجابات جاهزه
أول وحده بأن الكهرباء وكذلك النفط مابيهم حكم شرعي
والثانيه يگولون هاي الشغلات ماكانت موجوده بزمن النبي
وأذا كوللش يفروها عليه بطلابه عشاير ودوسة بيت وفشاير و يسوونه سالفه
روح ألحكَ على أم الصندوق قبل لاتطلع ويقطعون كهربائك !

#محسن_لفته_الجنابي (هاشتاغ)       Mohsen_Aljanaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل