شعب طيب أوي !!!

يحيى الحميداوي

الحوار المتمدن-العدد: 4309 - 2013 / 12 / 18 - 00:52
المحور: كتابات ساخرة
    

الشعب العراقي شعب طيب حد الإفراط وعاطفي كلش كلش أوي , حتى أنه ينسى من أساء إليه في لحظات ,يبتسم وهو يلوك الحسرة ويهرول ملبيا نداء المستغيث به حتى وأن كان من ألد أعدائه ,شعب عاطفي وغشيم ولهذا فهو يسبح في دوامة من الضياع , صدق الذئاب الجائعة التي جاءته من كل حدب وصوب وصفق مرحبا بضيوف أصبحوا بين ليلة وضحاها أهل الدار ,كنا نتجاذب أطراف الحديث في ليلة باردة جدا لا تنفع معها لا صوبه ولا جمرية (رجوه) , الحجي أبو محمد متلفلف بعبايته وأستكان الشاي في يده وهو يتحدث عن سنوات الإقطاع والجوع والمعاناة , يكول الحجي في سنة من السنين لشدة العوز والقحط إلي مرت بالناس أصبحت القدور تملئها الأمهات بالماء لخداع الصغار فينامون على أمل أن يأكلوا , عمي مرت علينا (أسنين لوعه) !بس يبوي فضت وخلصت وربك كشف الغمة ونزاح الضيم , الحلو بكل هذا الناس جانت كلب على كلب وداعتك نطبخ (مركة هوى ) ومانخلي واحد بالقرية ما نودي عليه ,يمكن على طيبتنه الله باوع ألنه بعين الرحمة وعطف على عباده .
-أدري حجي العراقيين بعدهم طيبين وعدهم غيرة وحميه وبس أنخاهم
- أي يبوي صح بس نوبات العاطفة الزايده هم بيها مضرة !
- شنو تقصد؟
-راح أعلمك واستفاد , الله سبحانه وتعالى يساعد ويهون ويسهل للجميع ويعبر وحده وثنين وثلاثة , بس الفطاريه والفهاوة من تزيد عن حدها تكتل يبوي , وإحنا زادت وعبرت الذاك الصوب , وظل وين المكرضه الفار يفتر علينه !هسه أحنه مو بزمن اللوعة ولا الجوع ترى الخير فايض و متبدي !بس تعال وين الجفوف الطيبة إلي تحافظ عليه ,وتخلي بمكانه الصحيح , العراق منين ماتلتفت خير , الكاع حلوة تريد غيرة فلح تحضن ذراتها ودوست مسحاة تفتح الشريعة ويلوحها الماي , أتريد خير الأماكن المقدسة يزور بيوت الفقره وأبو الأيتام أفلوسه للأيتام عرفته أبو الأيتام لو هم أتريد أكلك باسمه ! ونريد كاك النفط ماينفتح بس لجيوب الحكومة ! الطيبة مو تنباك وتسكت , الطيبة حقك عندك وتعرف أشلون تتصرف !إني شيجيبني يمك تشلع كلبي بهاي السوالف ! انطيني استكان شاي أضلوعي يتصافكن من البرد .
وهاي سوالف (صورني واني اشتغل ) ما تفيد ! واليتقشمر بيها عساه بهاي الشدة وأزود !شفناهم كلهم ناس اتعيط على ناس وناس مصاحبه ناس والضايع بس احنه ,
سولف الربعك وكلهم عمكم الحجي أبو محمد ايكول (المؤمن لايلدغ من جحر مرتين ) واحنه انلدغنه مرتين أتريدون الثالثة صفكولهم نفسهم ,أتريدون أتفزعون الهذا الوطن شوفو ناس تستحق والعراق ما يخلى من الطيبين .
وظلت يمكم العافية

#يحيى_الحميداوي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات