أعذرني أبو محمد

يحيى الحميداوي

الحوار المتمدن-العدد: 4171 - 2013 / 8 / 1 - 14:46
المحور: كتابات ساخرة
    

أعذرني ابو محمد
يحيى الحميداوي
جيرانه ابو محمد رجال خير وخوش ادمي ,المنطقة كلها اتحبه وتحترمه ,ستيني العمر ذو لحية بيضاء عليه علامات الهيبة والوقار ,دائما يتدخل بفض النزاعات بين الجيران التي تحدث بسبب الاطفال وبعض الشغلات التافهة ,ابو محمد حتى الزعلانه من رجلها هم يدخل ويرجعها كلش خوش انسان ,دربونته طبعا عبالك بيت واحد ,بيت مقابيل بيت ولزك واحد بصف الاخر يعني اذا اثنين ايسولفون بيت ام عماد نسمعهم اني والقليب ,المهم قبل ايام أشتكي الجيران لبو محمد من مشكلة تمس الاخلاق وطرفها ابو امير وزوجته طبعا اني مو من المشتكين لأن بصراحة متونس على الشغلة كلش .القضية ومابيها انه ابو امير من يمارس طقوسه الزوجية مع أم أمير الجيران كلها تسمع المصايب والاصوات التي تخرج منهم بلا شعور,معلينه الجيران خلو ابو محمد ايحاجيه فكله اخويه ابو امير والحجي لبو محمد
- حاول ياخويه من اتنام انت وام امير اتصيطر على نفسك وما اطلع صوت لان تعرف الدربونه ضيكه وكلها تسمع وانت تدري ولدنا شباب ومراهقين والنسوان عدنه ارامل ومطلقات وبنات شابات فالقضيه زحمه وترى بيناتنا الناس كلها تسمعكم ياخويه
-والله يابو محمد اني ما منتبه وداعتك بس ياخويه من تجيني الغبره ما سيطر على روحي لا اني ولا المكموعه ام امير ,بس ان شاء الله اواعدك خير يا خويه وبعد ما تتكرر .
عدت ليلة ,ليلتين الامور تمام وعال العال ماكو صوت بس يتراولي واني الخسران بهاي القضية لان ماعدت استمتع بهاي الاصوات الجهنمية ,يتراولي ان ابو امير يتكله على نار هادئه ويخنق صوت لو قدر له ان يخرج لزلزل الدربونه ودكها دكا ,ماطول عليكم يابه ذيج الليله طافية الكهرباء والناس فوك السطوح والماعنده سطح مشرع بابه ونايم بالطرمه والبعض فارش افراشه ومدد بالدربونه وما نسمع الا صوت هستيري مجنون يصدر من بيت ابو امير ( خويه ابو محمد اعذرني ,اعذرني خويه ابو محمد تلتها شهقات ونشغات وصوت طويل يابويييييييييييييييييييييييييييييييييييييه اعذرني ابو محمد )
هرول ابو محمد صوب بيت ابو امير حاسر الرأس طارقا للباب بقوة مخاطبا ابو امير
-ولك منعول الوالدين هسه شتكول الناس شنو اعذرني ابو محمد لنعل ابوك لبو ابو محمد عبالهم شنسوي اني وياك....هاي القصة ذكرتني بمشاكلنا ومصايبنا بالعراق الدول, المجاورة كلها تسمع بما يدور بيناتنا وتضحك منا بالعلن وبالسر , النواب سوو ويانه مثل ابو امير وام امير فضحونه وشرونه على الحبل وظل المايشتري يتفرج علينه انريد واحد مثل ابو محمدشريف يتدخل بالموضوع ماكو ,تاهت علينه الحسبه انريد خير يتدخل ويفض النزاعات والاصوات النشاز ملينه وتعبنه ....وتئبرني أم أمير طلعت الصبح عين حلسه وعين ملسه ولا عبالك صوتهم البارحة مكعد الميت ...




يحيى الحميداوي
بغداد

#يحيى_الحميداوي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل