حين تحاربك الحكومة والدولة مهما كان توجهها.

مختار سعد شحاته

الحوار المتمدن-العدد: 4222 - 2013 / 9 / 21 - 15:50
المحور: المجتمع المدني
    

هذا المقال قررت ان أنقله بواقع ما حدث فيه لغة ونصًا قدر الإمكان.. وهو بقدر ما يعكس بقدر ما يؤلم، فلا تعرف من يحارب المواطن العادي والبسيط في مصر، وهذا المقال نص مشهد حدث في واحد من مكاتب مدراء مدرسة مصرية.. أرجوكم تعاطفكم وحده لا يريده صاحب الحدث بقدر ما يريد الإجابة على سؤاله:
اترددت قبل كتابة الكلام، لكن وجبت أمانة النقل..
* حد أدنى من الإنسانية.. وحد أقصى من ذبح خلق الله يا بشر:
دي شكوى واحد كان عند المدير يوم الخميس بيسأل عن مصاريف مدرسة ابنه الوحيد، شاب بالكتير 35 سنة:
225 الزي المدرسي "والله يا مستر شديد السوء في اللون وخامة"
+75 ترننج رياضي "ابني مبيلعبش خالص، ابني بيحب الرسم.. ومفيش أصلا ملاعب كله بلاط بيكسر دراع العيال لما تقع عليه"
+30 قزازة حفظ ميه بلاستيك.
+20 حفظة بلاستيك للسندوتشات.
+430 مصروفات ويا عالم بالتبرعات والكتاب الإضافي..
+قائمة بـ360 أدوات وكراسات مطلوبة.. "المفروض إننا دفعنا الخامات دي في المصاريف.. طيب انا اجيب مسدس شمع ليه.. ابني هيطلع ناقص علام لو مجبشي مسدس شمع السيلكون؟!!".
+ دخلة العيد
+حجز الكتب الخارجية
+حجز المدرسين للدروس
+الكهربا والمية والغاز
+الايجار
+هري من بتاع المدارس.

* دا المطلوب من ولي أمر طفل بيدخل أولى إبتدائي في مصر لمدرسة تجريبي عادية، علما بأن التعليم نوعية واحدة في كل مدارس مصر الحكومي والتجريبي والقومي والخاص، ما عدا المدارس الدولية... والنوعية طبعا كلكم عارفينها من باب فك الخط والحفظ المبين..
* تخيلوا لو عنده 3 أطفال ومضحوك عليه بوهم المدارس التجريبي في مصر.. علما ان فيه 3 أنواع تجريبي عادي ولغات ومميز... مسموح لك تضحك يا أستاذ.
* بيناقشوا لسه الحد الأدني.. والحد الأقصى ملوش خبر، والأسعار هتفرقع، والإشاعات مالية الدنيا، وعمر سليمان مات ولا حي، وعمر عفيفي أهبل ولا عاقل، والإخوان والشرعية والانكلابيين والسيسي، والبرادعي... كل ده والغلا بيزيد بس بإشاعة 1200 حد أدنى للاجور..

*** والله حرام عليكم.. لو إحنا معانا لولادنا ومعانا ندخلهم مدارس محترمة.. يا ولاد ميتين الكلب.. في ناس والله بكرة ما هتعرف تدي مصروف لطفلها ده ما بين جنيه ونصف جنيه، وحضرتك بتقول إن مش هتعرف تضبط جنون الأسعار لسه.. وبتحارب في حق شاب لسه هيبدا زي الأب ده.. آه نسيت أقول لك ما هو إحنا عندنا الشباب بيبدأوا بعد الـ30 لانهم قبلها بيكونوا معتمدين على الله ثم اهلهم في كل المصاريف.
* يا أستاذ مش عايز أصعب عليك ولا على المدر ولا على رئيس الوزرا.. أنا عايز بس حد يجاوبني:
- إمتى أحس إن البلد دي مش بتحاربني بس؟؟!!.

أضم صوتي إليه: متى ستعرف الحكومة مهما كان انتمائها أن حربها ليست مع المواطن؟!!

مختار سعد شحاته.
bo mima
روائي.
مصر/ الإسكندرية.

#مختار_سعد_شحاته (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل