هلهل ياربيع الشوگ

محمد جلاب البديري

الحوار المتمدن-العدد: 4201 - 2013 / 8 / 31 - 09:41
المحور: الادب والفن
    

يگلبي شبيك شگّاك الهوى
بچلمة عِشگ .. من مرّت بطرواك
سيل سْهام
شمالك من هِواهه تْوِن
كل عين التُمر بدروبنه تسلهم
بس عين العِشگ سهرانه
وأنت وياهه ناطر
مانِوَيْت تنام
عِمَت عين العواصف
ماتهزّك
صعب هزّك
بيّه شفتك
ريح صفره تلوذ سِدّك
ولاتلّچمك
چويات الأيام
ودولاب المصايب يفتر بدمّك
ولا همّك .. ولا غيّر طبع سنّك
ولا شخبط حرف بسمك
ولا طفّه الگُمر والشمس
من رسمّك
بس همّك لواه الظيم
بيك ويمّك
ومِنّك
....
هلهل ياربيع الشوگ
ذب حزنك على المامش
ولا چنّك
وخلّي رموش الحْديّثات
وي خيط الكحل تتغامز وبجفونهه ترامش
ونبضات بگلبهن ترجف مراجف
غصب عنّك
حضن تمّوز ماخذهن
وياهو اليرجف بتمّوز
گيظ وبرّدن رگصاتهم
همّك
....
هلهل للسواجي تفيض بگلوب النخل
جمٌار
وزِف سنبل بيادر
تنطر الخِطّار
عيب تنام نوم أهل الكهف
وتصير تذكار
فايضه بگلبك شواطي منين ماتِغْرُف
عِشگ تلّگه .. بحلم روحك
وشوفك جنّه تسحك
هْم لِهيب النار

#محمد_جلاب_البديري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل